Beısenbi, 30 mamyr 2013 2:47
Jaqynda Otanymyzdyń barlyq mektepterinde kúmis qońyraý soǵylyp, oqý jyly márege jetti. Sol sońǵy qońyraýǵa arnalǵan elordadaǵy bir bilim ordasynyń saltanatty rásimine qatysqan edik. Ol esik aldyndaǵy alańda ótti. Tap-taza kıingen úlbiregen uldar men aq bantıgi jelbiregen qyzǵaldaqtaı qyzdar sap túzep turdy. Táýelsiz Otanymyzdyń Ánurany oryndalǵanda, oqýshylar oń qoldaryn keýdesine qoıyp, júzderi bal-bul janyp áýenge ilesti. Ustazdar jáne ata-analardyń bir shoǵyry olarǵa qosyldy.
Beısenbi, 30 mamyr 2013 2:47
Jaqynda Otanymyzdyń barlyq mektepterinde kúmis qońyraý soǵylyp, oqý jyly márege jetti. Sol sońǵy qońyraýǵa arnalǵan elordadaǵy bir bilim ordasynyń saltanatty rásimine qatysqan edik. Ol esik aldyndaǵy alańda ótti. Tap-taza kıingen úlbiregen uldar men aq bantıgi jelbiregen qyzǵaldaqtaı qyzdar sap túzep turdy. Táýelsiz Otanymyzdyń Ánurany oryndalǵanda, oqýshylar oń qoldaryn keýdesine qoıyp, júzderi bal-bul janyp áýenge ilesti. Ustazdar jáne ata-analardyń bir shoǵyry olarǵa qosyldy.
Bizdi ókindirgen bir jaı, memleketimizdiń Ánurany asqaq únmen aıtylǵan tusta keıbir azamattar, onyń ishinde ózimizdiń qandas baýyrlarymyz da bar, mán bermeı, qoldaryn qýsyrynyp, ne artyna qaıyra ustap, tipti áńgimelerin jalǵastyra berdi.Osy arada taǵy bir kórinisti aıta ketsek deımiz. Mektepke tıip turǵan kóshe boıyndaǵy máshıne ıeleri jol erejesin saqtamady dep, kólik nómirlerin sheship alyp, qoltyǵyna qysyp júrgen MAI qyzmetkeri de Ánuran aıtylyp jatqanda, «qyzmetinen» tanbady. Sonda ol kólik júrgizýshilerdiń zańdy buzǵanyn bilip, Ánuran aıtylǵanda ár azamat buljytpaı oryndaýǵa tıis mindetti bilmegeni me?Muhıttyń arǵy jaǵyndaǵy AQSh jurty, túbi bir túrkııalyq baýyrlarymyz memleketiniń ánurany aıtylǵanda, oǵan kórsetetin qurmetteriniń erekshe ekeninen nege sabaq almaımyz? Túrkııalyq týystarmen tildesseńiz, ánurannyń sózi qalaı qabyldanǵanyn kózderine jas ala otyryp eske túsiredi.Osyndaı rýhtyń kúshtiligi bizdiń sanamyzǵa áli kúnge deıin nege ornyqpaıdy eken degen oı mazalaıdy. Munyń arǵy jaǵynda keshegi bodandyq zamannyń qaldyq syzynan aryla qoımaǵan quldyq qurdymy jatyr ma? Álde keń etek qunytsyzdyǵymyz jelkeden tarta bere me?Bul keıbireýler úshin jaı nársedeı kóriner. Shyndyǵyna kelgende, Ánuranymyz – tórtkúl dúnıege únimizdi jetkizetin memleketimizdiń mereıli urany emes pe?!Biz oılary taza, boılary kirshiksiz búgingi jas urpaqqa muny qazir uǵyndyrmasaq, kúni erteń olar álgindeı tirligimizge qarap, Ánuran aıtylǵanda solaı tura bersek te bolady eken ǵoı demesine kim kepildik beredi? Ánuran estilgende Qazaq eliniń ár azamaty, qaıda júrmesin, oń qolyn keýdesine aparyp, bir mınýt tikesinen tik tursa, bul eldigimizdi, elge degen syıymyzdy kórsetedi. Álgi zańdylyqty qorǵap júrgen MAI qyzmetkeri jumysyn bir mınýt toqtata turyp, Otanynyń Ánurany aldyndaǵy paryzyn ótese, shubyryp jatqan ózge qala turǵyndary da oǵan qarap boı túzeri kúmánsiz. Endeshe, biz ózimiz úshin emes, Otan-anasyn, Ánuranyn tikelerinen tik turyp syılaǵan urpaqtyń kirshiksiz oıyna qylaý túsirmeýdegi adaldyǵymyzdy, azamattyǵymyzdy tanytsaq utylmas edik. Qaýlap ósip kele jatqan jastarǵa eldik rámizderimizdi qurmetteýdi ózimiz úlgi bolyp úıretsek, izet, iltıpatymyzben kórinsek, táýelsizdigimiz máńgilik el bolý ıdeıasyna ulasa bermek.
Súleımen MÁMET,«Egemen Qazaqstan».