Nur Otan partııasy Qyzylorda oblystyq fılıalyndaǵy saılaýaldy qoǵamdyq shtabtyń quramy partııa ókilderi men elge tanymal qoǵam qaıratkerleri, partııa fılıalynyń Saıası keńesiniń múshelerinen quraldy. Oblystyq saılaýaldy shtabyn oblystyq partııa fılıaly tóraǵasynyń birinshi orynbasary Aqmaral Álnazarova basqarady.
Oblystyq shtab tóraǵasy partııanyń kezekten tys XIH sezi sheshimimen Qazaqstan Prezıdenttigine úmitker retinde Qasym-Jomart Kemeluly Toqaevtyń kandıdatýrasy usynylǵanyn eske salyp, oblystyq shtab jumysynyń negizgi mindeti – Nur Otan partııasynyń atynan usynylǵan úmitkerge qoldaý kórsetý ekenin aıtty.
- Oblys boıynsha 10 shtab jumys jasaıdy. Onyń 1-i oblystyq, 2-ýi Qyzylorda, Baıqońyr qalalarynda jáne 7 aýdanda. Shtabtar óziniń jumysyn, Qazaqstan Respýblıkasynyń Saılaý týraly zańdaryna sáıkes, 11 mamyrdan resmı túrde júzege asyratyn bolady. Qazir oblys boıynsha 366 saılaý ýchaskesi naqtylandy. Barlyq ýchaskege 1098 senimdi ókilimiz tirkeldi. Shtabtardyń barlyǵy materıaldyq-tehnıkalyq quraldarmen jabdyqtalǵan. Saılaý naýqanynda jumys jasaýǵa daıyn, - dedi Aqmaral Álnazarova.
Syr óńirinde Nur Otan partııasynyń 51 myńnan astam múshesi toptasqan 272 bastaýysh partııa uıymy bar.