Qaraǵandy oblystyq Tótenshe jaǵdaılar departamenti men Ulttyq gvardııanyń №52859 áskerı bóliminiń avtoparki arnaıy kóliktermen jáne qurylǵylarmen tolyqty.
Qutqarýshylar, sondaı-aq, dala jaǵdaıynda jumys isteýge arnalǵan ishi keń, jyly shatyrlarmen qamtamasyz etildi. Sonymen qatar, gvardııashylar adamdardy qutqarýǵa, qalyń qar jaýyp, boran soqqanda jáne sý tasqyny kezinde tasymaldaýǵa qajetti tartqysh, býldozer, ekskavator jáne eki vahtalyq avtokólik sııaqty tehnıkalarǵa ıe boldy.
Jyl sońyna deıin TJD bólimshelerine, taǵy da birneshe jol talǵamaıtyn kólik, avtosısterna jáne vahtalyq avtokólik satyp alý kózdelgen. Qazirgi ýaqytta qutqarýshylardyń qaramaǵynda 400-ge jýyq tehnıka quraly bar.