Erlik dastany eskirmeıdi

Otandyq patrıotızm otyn laý­latyp, jastardyń boıy­na týǵan elge degen súıispenshilik otyn taratý osy kúni ótkiziletin bar­­­lyq sharalardyń negizgi maq­saty. Ulttyq mýzeıde de osy maq­sat­pen ótkizilgen «Erlik dastany – eldiń urany» atty dóńgelek ústeldiń mańyzy zor boldy. Oǵan qaladaǵy Ardagerler uıymynan qadirmendi aqsaqaldar men apalar shaqyrylǵan eken. Olar ózderiniń ómirlik tájirıbesinen, kórgen, bilgen ulaǵatty isterinen jınal­ǵan jastarǵa qyzyqty áńgime­ler aıtyp berdi. Memleket tarı­hy ıns­tıtýtynyń qyzmetkerleri, L.N.Gý­mılev atyndaǵy Eýrazııa Ul­t­tyq ýnıversıtetiniń oqytýshy-pro­­fessorlary qazaqstandyq pat­rıotızmniń qaınar kózderin atap, olardy úlgi etý jolyndaǵy ǵylymı izdenisterge toqtaldy. Sonyń ishin­de, tiri bolsa búgingi kúnderi 95 jasqa tolatyn Álııa Moldaǵulova týraly áńgimeler men derekter kóp aıtyldy. «Á.Moldaǵulova – shyǵystyń shynary» atty kitap kórmesi de uıymdastyrylǵan eken. Osyndaǵy derekterden jáne arda­gerler men ǵalymdardyń áńgime­lerinen jas urpaq batyr Álııa­nyń ómiri týraly kóptegen jańa maǵlumattar aldy. 

Qazirgi jastar taǵdyrdyń jazýymen Álııa soǵys qarsańynda Lenıngrad (qazirgi Sankt-Peter­býrg) qalasyndaǵy balalar úıin­degi tárbıelenýshilerdiń biri bolǵa­nyn bile bermeıdi. Qalaǵa bombalar túsip, qorshaýda qalý qaýpi týǵanda ol óziniń synyptastary­men birge maıdanǵa suranǵan. Alaıda 16 jas­tan endi asqan, jap-jas qyzdy ás­kerıler soǵysqa alǵysy kelmeıdi. Biraq alǵan betinen qaıtpaǵan qaısar qyz aqyry áskerılerdi kóndirip, ózin mergender mektebine jiberýge kóndiredi. Máskeý túbindegi Veshnıa­kı selosynda qupııa túrde 1942 jyly ashylǵan bul oqý orny «Mer­genderdiń ortalyq mektebi» dep atalǵan. Dala qyzyna tán ótkir kózimen, sabyrly minezimen Álııa onda eń úzdikterdiń qataryna ili­gedi. Al mektepti bitirgende «Úzdik oqyǵany úshin Ortalyq komsomol komıtetinen» degen jazýy bar mer­gender vıntovkasyn syılyq­qa alady. Álııa osy vıntovkamen 78 jaý­dyń kózin joıyp, «Lenıngrad-Nov­gorod» maıdanynda 1944 jyl­dyń qańtar aıynda er­likpen qaza tapqan. Sol 1944 jyldyń maý­sym aıynda oǵan Keńes Odaǵynyń Batyry ataǵy berilgen. Shyǵys halyqtarynyń ishinde bul ataqty Álııa men Mánshúk qana aldy.

Osy áńgimeler men derekter jas tolqynnyń janaryna ot, júrek­terine shoq tastap turǵany kórinip turdy. 

Atalǵan shara barysynda Ult­tyq mýzeıdiń ǵylymı qyz­met­keri S.Abdrahmanovtyń mı­nıatıýra­lary usynylǵan shaǵyn kórme de kelgenderdiń nazaryna usy­nyldy. Jıynnyń sońynan kelgen qonaqtarǵa Ulttyq mýzeıdiń zaldaryna ekskýrsııa jasaldy.