О́ńirlerge sapar óz nátıjesin beredi

Mamyrda 1316 páter beriledi

Elbasynyń «Áleýmettik qamqorlyq» atty jańa áleýmettik sharalaryn iske asyrý jónindegi aqparattyq túsindirý jumystaryn júrgizý úshin 12 naýryz ben 4 mamyr aralyǵynda Úkimettiń jumys toby respýblıkanyń barlyq óńirin aralaǵan bolatyn. Sapar barysynda qandaı jumystar atqarylǵany jóninde G.Ábdiqalyqova baıandady. 

– Osy ýaqytqa deıin 263 kezdesý ótkiz­dik. 157 eldi mekende bolyp, 269 adam jeke qa­byldaýda boldy. Turmysy tómen 72 ot­basynyń úıine bardyq. Jalpy sany 

27 myń adamdy qamtydyq, – dedi ol. 

– Kezdesýlerdi taldaı kele halyqtyń áleýmettik osal sanattaryn, eń aldymen kóp balaly jáne turmysy tómen otbasylardy turǵyn úı, ataýly áleýmettik tólem, jumysqa ornalasý, shaǵyn nesıe berý, jer telimderin berý, bilim berý, densaýlyq saqtaý sapasy jáne basqa da ózekti máseleler tolǵandyratynyn kórdik. Ekinshiden, aýdan ákimdikteri­men, kásiporyn basshylarymen, bıznes-qurylymdardyń jetekshilerimen kezdesý ótip, áleýmettik eńbek saıasaty, jalaqysy tómen azamattardyń aılyǵyn kóterý, aılyq boıynsha qaryzdy óteý, eńbek qaýipsizdigin saqtaý máseleleri talqylandy. Áleýmettik kómek boıynsha bıznes qurylymdardyń belsendiligin erekshe atap óter edim, – dedi Úkimet basshysynyń orynbasary. О́z sózinde G.Ábdiqalyqova Almaty oblysyndaǵy «Aqterek» sharýa qojalyǵynyń ıesi Temirlan Shaınúsipov degen azamattyń aýyldastaryn jumyspen qamtyp qana qoımaı, áleýmettik salaǵa aqsha bólip jatqanyn atap ótti. Bıznesmen aýylynda balabaqsha, sport alańyn, saýda ortalyǵyn salǵan. 2008 jyldan bastap kóp balaly jáne turmysy tómen otbasylar úshin 105 páter turǵyzyp bergen. Sol sııaqty Qostanaı oblysynda «Eńbek» baǵdarlamasy, Qyzylorda oblysynda bilim men ǵylymǵa qatysty baǵdarlamalar, Aqmola oblysynda «Densaýlyq» baǵdarlamasy, Jambyl oblysynda alǵashqy medısınalyq kómek berý baǵdarlamasy, SQO-da eńbek resýrstarynyń mobıldiligi jumystarynyń barysy talqylandy. 

Aıta keterligi, bıylǵy mamyr aıynan bastap jalǵa turǵyn úı berile bastady. 1 mamyrda 249 kóp balaly otbasy jańa páter aldy. Jalpy, mamyr aıynda bir jylǵa josparlanǵan 7 myńnan astam páterdiń 1316-syn berý josparlanyp otyr. – Turǵyndarmen kezdesý kezinde biz árbir ekinshi áıeldiń taǵdyr tal­qysynda qalǵanyn kórdik. Eń qor­qynyshtysy, 5-6 balamen qalǵan analar bar. Statıstıka boıynsha bizde jylyna 50 myńǵa jýyq jup ajyrasady, turmystyq zorlyq-zombylyq boıynsha 912 qylmystyq is qozǵalady. Orta eseppen jylyna 3 myń erkek alıment tóleýden jaltarady. Búgingi tańda alıment tólemeý bo­ıynsha jalpy qaryz kólemi 5,2 mlrd teńge, – dedi G.Ábdiqalyqova. Vıse-premer bul baǵyttaǵy jumystardyń jalǵasatynyn aıtty, jaqynda Bas prokýratýra, Joǵarǵy sot jáne basqa da memlekettik organdardyń ókilderimen kezdesýler uıymdastyryp, máseleni birlesip sheshý josparlanǵan.

160 myń otbasyna ataýly kómek beriledi

Jıyn barysynda Eńbek jáne halyq­ty áleýmettik qorǵaý mınıstri Berdibek Saparbaev tabysy tómen otbasylarǵa ataýly áleýmettik kómek taǵaıyndaý qalaı atqarylyp jatqanyn aıtty. 

– El ishindegi jumys saparlary aıasynda áleýmettik máselelerdiń barlyǵy­na jaýap berildi. Onyń qalaı sheshiletini jóninde aıtyldy. Ár mınıstrlikke qarasty memlekettik organdarmen bir­le­se qurylǵan jumys toby bar. О́t­ken 4 aıda jumys toby 11 otyrys ótkiz­di. Jal­py, qazirgi tańda 160 myń otba­syna ataýly áleýmettik kómek taǵaıyn­dal­dy, bul shamamen 806 myńdaı adam, – dedi B.Saparbaev. Mınıstrdiń aıtýyna qaraǵanda, sáýir men mamyr aıynyń ózinde AÁK úshin 23 mlrd teńge bólingen. Jalpy, jyl boıy ataý­ly áleýmettik tólemdi tóleý úshin 130 mlrd teńge qarastyrylǵan. Orta eseppen árbir otbasyna 105 myń teńge ataýly áleýmettik kómek beriledi. 

– Bir aıta ketetin másele, áleýmettik jelide keıbireýler bul tólem birinshi toqsanda tólenedi dep jatyr. Qaıtalap aıtarym: tólem jyl boıy tólenedi. Biraq onyń erejesine sáıkes tabys jyl saıyn, toqsan saıyn naqtylanyp otyratyn bolady, – dedi mınıstr. 

Bıyldan bastap ataýly áleýmettik kómek berý úshin qarastyrylatyn jeńildikterdiń tórt túri alynyp tas­taldy. 

− Memlekettik organdarmen birge, ásirese jeke qojalyqtaryna, eginine, malyna alatyn járdemaqylaryna baılanysty esepteý jumystary júrgizilýde. Jaqyn arada sheshim qabyldanady, – dedi mınıstr. B.Saparbaev óz sózinde az qamtylǵan otbasylarǵa qosymsha kómek jergilikti bılik arqyly kórsetiletinin atap ótti. Qazir jergilikti bılik tarapynan kórsetiletin kómektiń 11 túri bar. Buǵan qosa sol jerdegi kásipkerler men kásiporyndar arqyly da kómek kórsetiledi. Mınıstr nazar aýdarǵan máseleniń biri – halyqtyń kásip ashýyna járdem berý. 

− On eki múshesi saý adamdar jumys isteýi kerek. Al bıliktiń mindeti – soǵan jaǵdaı jasaý. Grant pen mıkronesıe sol úshin beriledi. Máselen, bir áıel úıinde otyryp, tigin tigip, tamaqtyń túr-túrin ázirleı alýy múmkin. Tigin máshınesiniń quny kóp bolsa 300-400 myń teńgeni qu­raıdy. Ony alýǵa memleket kómek be­redi. Tamaq isteıtin qurylǵylardy alý­­ǵa da memleket járdemdesedi, – dedi ol. 

AÁK-ge qatysty daýlar, týyndaǵan suraqtar kóp bolǵany belgili. Áleýmettik jelidegi ondaı shý basyldy. Negizgi túsinbeýshilik – tabysty esepteýde. Ásirese maly men eginine baılanysty áńgimelerdi bilesizder. Tipti jıhaz eseptelinipti dep jatyr. Jıhazdy eseptemeý kerek. Negizinen biz jergilikti organdarǵa «úıge barýdyń keregi joq» dep tapsyrma berdik. О́ıtkeni árbir qala túgili, aýyldardaǵy turǵyndar boıynsha málimetterdiń bári bar. Kóp kóterilgen suraq taýyq pen jumyrtqany tabys retinde esepteýge qatysty boldy. Onyń eshqaısysy eseptelmeıdi. Alma, shıe, qulpynaı da esepte joq, – dedi B.Saparbaev. 

Mektepterdiń máselesi sheshildi

Jıynda sóz alǵan Bilim jáne ǵylym mınıstri Kúlásh Shámshıdınova apattyq jáne úsh aýysymdy mektepterdiń máselesi ózekti ekenin aıtyp, ony sheshý joldaryn túsindirdi. 

− Búgingi tańda elimizde úsh aýysymdy jáne apattyq jaǵdaıdaǵy mektepter­diń bary belgili. Buǵan deıin habarlaǵany­myzdaı, aldaǵy 3 jylda 190 mektep salynyp, onyń 89-y úsh aýysymdy mektep máselesin, al 13 mektep apatty jaǵdaıdaǵy bilim nysandarynyń máselesin, al 72-si oryn jetispeýshiligi máselesin sheshetin bolady. Mınıstrlik osy jumys­tar bo­­ıynsha tereń taldaý jumys­taryn júrgizip, aımaqtardy naqtylap otyr. Keleshekte bilim nysandary bala sanyna baılanys­ty salynady. Mektepterdiń qashan jáne qaıda salynatynyn jergilikti atqarýshy bılik sheshedi, – dedi mınıstr.

О́ńirlerge saparly barysynda Den­saý­­lyq saqtaý mınıstri Eljan Bir­tanov kadr tapshylyǵy máselesi týyndap otyrǵanyn aıtty.

− Keıbir eldi mekenderde, ásirese aýyldarda ýchaskelik dárigerler eki ese júktememen jumys júrgizýde. Munyń arty álbette medısınalyq qyzmet sapasy­nyń tómendeýine alyp keledi. Sondyq­tan kadrlar tapshy eldi meken­der­ge, ásirese aýyldarǵa aldaǵy ýaqyt­ta 6300 jas maman jiberiledi, – dedi E.Birtanov.

Baspasóz konferensııasynyń sońyn­da vıse-premer qazaqstandyqtardy alda kele jatqan Otan qorǵaýshy kúni­men jáne Jeńis kúnimen quttyqtap, Qazaqstanda búgingi tańda 1400 Uly Otan soǵysyna qatysýshy bar ekenin aıtty. 9 mamyr merekesine oraı barlyq ardagerlerge 2,3 mlrd teńge somasynda materıaldyq kómek kórsetiletin bolady.