- Oblystyq shtab 84 adamnan turady, onyń ishinde shtab apparatynda 35 adam, qoǵamdyq shtabta - 59 adam bar, - deıdi Baqyt Bekseıitova.
Saılaý qurylymdary «Nur Otan» partııasynyń óńirdegi qalalar men aýdandardyń barlyq aýmaqtyq fılıaldarynyń janynan qurylǵan.
Qalalar men aýdandarda shtab quramyna 281 adam, 135 shtab apparattarynyń qyzmetkerleri, 146 - qoǵamdyq shtab músheleri.
Jastar 43 paıyzdy, áıelder 53 paıyzdy quraıdy. Ortasha jasy-42 jas.Shtab quramynyń 89 paıyzy partııa músheleri.
Sonymen birge, «Nur Otan» partııasynyń, úkimettik emes uıymdardyń, ǵylymı jáne shyǵarmashylyq zııaly qaýymynyń, máslıhat depýtattarynyń, jastar belsendileriniń, sportshylardyń, bıznes ókilderiniń, sharýa qojalyqtarynyń ókilderinen quralǵan 1199 senimdi adamdar tirkelgen.
Kandıdat Qasym-Jomart Kemeluly Toqaevtyń qoldaýyna senimdi adamdar saılaýshylardyń 14 myń 360 senimdi qoldaryn jınap úlgerdi.
Shtab basshysynyń orynbasary, pedagogıkalyq ýnıversıstet rektory Altynbek Nuhuly saılaýdyń belsendi ótýi qazaqstandyqtardyń qolynda ekenin atap, barsha turǵyndardy daýys berýge shaqyrdy.