Prezıdent Ákimshiliginiń kelisimimen Qaraǵandy oblystyq polısııa departamentiniń bastyǵy bolyp polısııa polkovnıgi Erlan Jumaseıituly Faızýllın taǵaıyndaldy, dep habarlady atalǵan vedomstvonyń baspasóz qyzmeti.
Jeke quramǵa jańa basshyny Qazaqstan Respýblıkasy Ishki ister mınıstriniń birinshi orynbasary Marat Qojaev pen oblys ákimi Erlan Qoshanov tanystyrdy.
Erlan Faızýllın 1973 jyly týǵan, bilimi joǵary. Quqyq qorǵaý organdarynda 1995 jyldyń qyrkúıek aıynan bastap orta jáne joǵary basshylyq quramnyń ártúrli jedel qyzmetterinde qyzmet atqarǵan.
Basshylyq laýazymdaǵy tájirıbesi mol. Qostanaı oblystyq PD Fedorov aýdandyq polısııa bóliminiń bastyǵy, atalǵan departament bastyǵynyń orynbasary laýazymdarynda qyzmet etken.
2018 jyldyń jeltoqsan aıynan bastap Qaraǵandy oblystyq PD bastyǵynyń birinshi orynbasary laýazymynda qyzmet atqardy.