– Sybaılas jemqorlyq – kúrdeli áleýmettik qubylys jáne qazirgi qoǵam ómirindegi eń ózekti taqyryptardyń biri, – dedi Nevzorovtar otbasy atyndaǵy beıneleý óneri mýzeıiniń bólim jetekshisi Laýra Shınjına, ol qoǵamnyń turaqtylyǵyna nuqsan keltiredi. Adamzat damýyna qaýip tóndiredi. Memlekettik organdarǵa degen senimniń tómendeýine yqpal etedi jáne ekonomıkalyq qatynas pen adamgershilikti buzady. Bizdiń balalarymyz da naqty túsinýi biz úshin asa qajet.
Kórmege qalanyń 25 mektebi, lıseıi ustazdarynyń jetekshiligimen oryndalǵan 83 jumys qoıyldy. Shyǵarmashylyq tásili men taqyrypty ashqany úshin dıplomdarmen jáne syılyqtarmen marapattalǵandardy atap ótsek, olardyń qatarynda №32 mektepten Áıgerim Kemelbaeva, №16 mektepten Álııa Túkibaeva, №19 mektepten Danıl Rıabko, №44 mektepten Anastasııa Kolonıch, №21 mektepten Aqerke Jaqsylyq, №28 mektepten Anna Garıpova, №11 mektepten Ekaterına Taranovalar bar. Olar muǵalimderimen, synyp jetekshilerimen birge arnaıy syılyqtarmen marapattaldy.
Raýshan NUǴMANBEK,
«Egemen Qazaqstan»