Tarazdyń aýa-raıy saıysqa birinshi shyqqan Elite sanatyndaǵy sportshylar saıysynyń oıdaǵydaı ótýine yńǵaılasty. Olar «sprınt» qashyqtyǵynda, ıaǵnı 750 m júzý, 20 km velojarys pen 5 km júgirýden turatyn qashyqtyqta myqtyny anyqtady. Eń úzdik nátıje 1 saǵat 1 mınýt 59 sekýndty kórsetken Anýar Týrýbaev (Almaty) absolıýtti jeńimpaz atandy. Ekinshi oryn úshin ótken qyzý talasta Kırıll Rojkovtyń (Almaty) baǵy jandy. Ol 1 saǵat 2 mınýt jáne 47 sekýnd nátıje kórsetti. Oǵan birneshe sekýnd qana jeńilgen Aleksandr Avtýshko (Shymkent) úzdik úshtikti tuıyqtady. Osy sanattaǵy áıelder arasynda júldeniń barlyǵyn ońtústik astanamyzdan kelgen sportshy qyzdar qanjyǵasyna baılady. 1 saǵat 9 mınýt 43 sekýnd nátıje kórsetkern Darıa Bychkova birinshi oryndy ıemdendi. 1 saǵat 10 mınýt 45 sekýnd ýaqyt kórsetken Iýlııa Ozerova ekinshi atansa, 1 saǵat 11 mınýt 12 sekýnd nátıjesimen Gazıza Kýmakbaeva úshinshi boldy.
Kelesi kezekte sóre syzyǵyna birshama jas sportshylar shyǵyp, «sýper-sprınt» qashyqtyǵynda – 300 m júzý, 8 km velokezeń jáne 2 km júgirýde myqtyny anyqtady. Kúsheıip ketken jelge qaramastan, sportshylardyń barlyǵy márege sátti jetti. Elite sanatynda óziniń qas sheber ekendigin Danııl Zýbsov (Shymkent) dáleldedi. Onyń ýaqyty – 27 mınýt 15 sekýnd. «Kúmis» alqany 30 mınýt 13 sekýnd ýaqyt kórsetken Azız Nýrlan (Shymkent) aldy. 30 mınýt 46 sekýndta márege jetken Danııl Blok (Aqmola oblysy) úshinshi orynnan kórindi.
23 jasqa deıingi sportshylar sanatynda óz sheberligin Nıkıta Kýrganskıı (Aqmola oblysy) pash etti. Ýaqyty – 27 mınýt 17 sekýnd. Oǵan 11 sekýnd utylǵan komandalasy Vladıslav Ivanov (Aqmola oblysy) ekinshi atandy. 30 mınýt 4 sekýnd nátıjesi úshin Vladıslav Kýdın (Shymkent) úshinshi oryn aldy. Al osy sanattaǵy qyzdar arasyndaǵy júldeli orynnyń barlyǵyn Aqmola oblystyq trıatlon mektebiniń túlekteri jeńip aldy. 29 mınýt 21 sekýnd nátıjesimen Ashraf Kamalova (Aqmola oblysy) jeńis tuǵyrynan kórinse, júldeli ekinshi oryndy Nadejda Bekmaganbetova ıelendi. Onyń ýaqyty – 30 mınýt 23 sekýnd. Márege úshinshi bolyp Iаna Zımnıskaıa (31 mınýt 18 sekýnd) jetti.
19 jasqa deıingi eń kishi jas sanatyndaǵy atletter arasynda erekshe báseke baıqaldy. О́z qarsylastarynyń bárinen ozyp, búgingi jalpy «sýper-sprınttegi» úzdik nátıjeni Alıhan Abýseıt (Shymkent) kórsete bildi – 26 mınýt 52 sekýnd. Oǵan 23 sekýnd jeńilgen Erasyl Amanjolov (Túrkistan oblysy) ekinshi atandy. Márege 38 sekýndqa keshikken Rashıd Romanchýk (Aqmola oblysy) «qolaǵa» laıyq dep tanyldy. Bul sanattaǵy qyzdar arasynda 30 mınýt 19 sekýnd nátıjesimen Natalıa Korotkova (Aqmola oblysy) úzdik bolyp shyqty. Onyń jerlesi Anastasııa Zaharova 33 mınýt 21 sekýnd ýaqyt kórsetip, ekinshi boldy. Qorytyndy hattamadaǵy úshinshi júldeli oryn 35 mınýt 7 sekýnd nátıjesi úshin Arýjan Amanjolovaǵa (Túrkistan oblysy) buıyrdy.