Nazarǵa alynǵan basty máselelerdiń qatarynda álemdik ekonomıka, ónerkásip jáne tehnologııanyń jańa salalaryn damytý, sondaı-aq, búgingi jahan jurtshylyǵy úshin asa ózekti taqyryptar talqyǵa salynbaq.
– Mundaı is-sharalardyń nátıjesin qysqa merzimge qarap baǵalaý óte kúrdeli. Bul is-sharalar uzaqmerzimdi. Eldiń ınvestısııalyq tartymdylyǵyn arttyrýǵa, ekonomıkalyq damý strategııasyn aıqyndaýǵa baǵyttalǵandyqtan, bul sharalardyń bir kúnde áseri bolady nemese aýqymdy ózgeristerge ákeledi dep kútý – menińshe, negizsiz. Aldaǵy uzaqmerzimdi perspektıvada ol eldiń ekonomıkasyna sóz joq áserin tıgizedi», - dedi «Ekonomıkalyq zertteýler ınstıtýty» AQ Taldaý jáne álemdik ekonomıka ortalyǵynyń dırektory Aıbol Arǵynǵazınov.
Ortalyq dırektorynyń aıtýynsha, ótken 12 jyl ishinde forýmnyń negizinde jahandyq sarapshylardyń usynystaryn eskere otyryp, Qazaqstan óziniń birshama ekonomıkalyq reformasyn iske asyrǵan.
– AEF sheńberinde alǵash ret birneshe forým ótedi. Birinshi qazaqstandyq turaqty damý forýmy, Eýrazııalyq ıntegrasııanyń 25 jyldyǵyna arnalǵan arnaýly sessııa, Halyqaralyq eńbek uıymynyń 100 jyldyǵyna arnalǵan konferensııa, Kavkaz jáne Ortalyq Azııa óńiri Qarjy mınıstrleri men Ortalyq bankteri basshylarynyń dóńgelek ústeli ótedi. Oǵan qosa, qazaqstandyq ınvestısııalar boıynsha dóńgelek ústel josparlanyp otyr, – dedi «Ekonomıkalyq zertteýler ınstıtýty» AQ basqarma tóraǵasy Erlik Qarajan.