Tórt túliginen árkim-aq paıda kórgisi keledi. Et, sút baǵasy jyl sanap ósip barady. Semiz maldyń quny joǵary. Osynyń bárin oı eleginen ótkizgen Lıýdmıla memlekettik qoldaý aıasynda ashylǵan arnaıy kýrsta dáris alady. Mamandyǵy tehnolog kelinshek otaǵasymen birlesip otyryp, qurama jem daıyndaýǵa qajet nusqaýlyq oqýlyqtardy oqıdy. Qurama jem daıyndaıtyn seh qondyrǵysyn Reseıden satyp alyp, jumysyn bastap ketedi.
Shaǵyn seh ázirge aıyna 1 myń 500 keli qurama jem daıyndaýǵa múmkindigi jetip tur. Boıynda mal semirtýge qajet dárýmenderge baı azyqty satyp alǵysy keletinder kóp bolǵandyqtan olar memlekettik qoldaý arqyly jeńil nesıe almaq. Osylaısha kásibiniń aıasyn keńeıtpek.
Bıdaı untaǵy, kúnjara, jońyshqa men kalsıı fosfaty qosylǵan qurama jem saýyn sıyrlar men bordaqydaǵy ógizder úshin qunarly taǵam. Sondyqtan da suranys kóp.