Dárigerler ózderi «izdep» keledi

Alǵashqy kúni Ǵ.Sultanov atyn­­­­­­­daǵy oblystyq aýrýhananyń qu­­ra­­mynda terapevt, lor, stomatolog, okýlıst, gınekolog, zerthanashy bar №1 mamandandyrylǵan brıgadasy Tereńkól aýdanynyń Beregovoe aýylyna, Baıanaýyl aýda­nynyń Uzynbulaq, Aqshı aýyl­daryna kelip jetti. Turǵyndar tańerteńnen bastap kezekke turypty. Osydan-aq oblys ortalyǵynan keletin dárigerlerdi shalǵaı aýyldardyń turǵyndary asyǵa kútip otyrǵanyn bilesiz. Bul aýyldaǵy kóp balaly analar úshin de úlken múmkindik. 

– Meniń 6 balam bar. Oblys ortalyǵyn aıtpaǵanda, aýdandyq aýrýhanaǵa aparýǵa múmkindik bola bermeıdi. Búgin mine, aýyly­ma kelgen birneshe bilikti dárigerdiń qabyldaýynda boldyq, – deıdi Gúl­stan Neıfeld.

Aýyl dárigeri Ersin Rahımova­nyń aıtýynsha, Beregovoe aýyldyq aýma­ǵyna qaraıtyn Jańabet, Jasqaırat, Osmaryj, Zelenaıa rosha, Yntaly aýyldarynda 1800 adam turady. Aýyldaǵy dárigerlik ambýlatorııada 1 jalpy tájirıbe dári­geri, 1 akýsher jáne balalar ka­bı­netiniń medbıkesi jumys is­teıdi. 

Al «Áleýmettik medısınalyq saqtandyrý qory» AQ fılıa­ly­nyń dırektory Aıdar Seıitqa­zı­no­vtyń aıtýynsha,  medı­sınalyq qyzmetterdi satyp alý­ǵa bólingen qarajat ambýla­tor­lyq-emhanalyq kómekti damy­týǵa baǵyttaldy. О́ńir­­de mem­le­ket­tik tapsyrys bo­ıyn­sha tegin me­dısınalyq kómek kór­­sete­tin uıymdarǵa 37,5 mlrd teń­­­­ge bó­lin­gen. Qor 2019 jylǵa mem­­­­le­kettik kepildik aıasynda tegin kór­­­setiletin medısınalyq kó­mek túr­lerin satyp aldy. Bıyl me­dı­sı­nalyq qyzmetterdi satyp alýǵa ótken jylmen salys­tyr­ǵanda bıýdjetten 5 paıyzǵa artyq qar­jy bólingen. 

Jýyrda óńirge jumys saparymen kelgen Densaýlyq saq­taý mınıstri Eljan Birtanov Qal­­qa­­man aýylyndaǵy dárigerlik ambýlatorııa jumysymen tanysyp, turǵyndardyń skrınıngten qalaı ótip jatqany týraly suraǵan-dy. Dárigerlik ambýlatorııanyń bas dárigeri Qýat Jıenbaevtyń aıtýynsha, 3 myńnan astam tur­ǵyn­­ǵa alǵashqy medısınalyq-sanı­tar­lyq kómek kórsetetin osy jer­­­de turǵyndar negizgi klını­kalyq saraptamalardy tapsyryp, elek­trokardıografııalyq zert­­teý men skrınıngten de óte alady. Kúndizgi stasıonar, eki rea­­nımobıli bar jedel járdem pýnkti jumys isteıdi. 

Densaýlyq saqtaý mınıstri E.Bir­tanov aýyl turǵyndarynyń skrınıngtik tekserýden qalaı ótip jatqanyna basa nazar aýdarǵany, dárigerlerdiń emdelýshi turǵyn­dardy «izdep» kelýleri – deni saý qoǵam qurý, salamatty ómir sal­tyn saqtaýǵa degen úlken jaýap­ker­shilik. 

Al oblystyq aýrýhananyń №1 ma­mandandyrylǵan brıgadasy alǵashqy kúni qos aýdanda 3 myń­nan astam aýyl turǵynyn tekserýden ótkizdi. Iаǵnı, «Medısına jaqyn!» «Dári­g­er janyńyzda!» atty den­saý­lyq saqtaý bastamasy aýyl­daǵy árbir turǵyn úshin qoljetim­di boldy. 

Dárigerler aldymen áıelder­diń densaýlyǵyna kóp kóńil bó­lýde. Keıbir turǵyndarǵa tolyq tek­­serýden ótý úshin oblystyq aýrý­hanaǵa joldama berildi. 

Shara barysynda dárigerlerdiń qabyldaýynan bólek, turǵyndarǵa «Áleýmettik medısınalyq saq­tan­dyrý qory» AQ oblystyq fı­lıalynyń mamandary elimizde 2020 jyldyń qańtarynan bas­tap jumys isteıtin jańa júıe ha­lyq­qa tegin medısınalyq kó­mek Úkimet bekitken kepildi te­gin medısınalyq kómek kólemi tizi­mine sáıkes kórsetiletini jaıly túsindirildi.  Pavlodar oblysy