Ermaǵanbetov Darhan Janyshanuly 1986 jyly týǵan. Q.Jubanov atyndaǵy Aqtóbe memlekettik ýnıversıtetin «Memlekettik jáne jergilikti basqarý» mamandyǵy boıynsha bitirgen. 2012 jyly Batys Qazaqstan ınjenerlik-gýmanıtarlyq ýnıversıtetinde ekonomıka magıstri dárejesin aldy.
2008 jyldan bastap memlekettik qyzmet salasyna kelip, bilim jáne kásipkerlik basqarmalarynda túrli qyzmetter atqardy. 2014 jyldyń qyrkúıek aıynan bastap, qazirgi ýaqytqa deıin ındýstrııalyq- ınnovasııalyq damý basqarmasy basshysynyń orynbasary qyzmetin atqardy.
Sondaı-aq aımaq basshysy kásipkerlik basqarmasynyń jańa basshysyn tanystyrdy. Jańa laýazymǵa Erlan Nazarov taǵaıyndaldy.
Nazarov Erlan Asylbekuly 1983 jyly týǵan. Qorqyt ata atyndaǵy Qyzylorda memlekettik ýnıversıetetin, Prezıdent janyndaǵy memlekettik basqarý akademııasyn, Memlekettik saıasattyń ulttyq mektebi, Dıýka ýnıversıteti syndy oqý oryndaryn (AQSh) bitirgen.
Eńbek jolyn 2004 jyldan bastap Qyzylorda oblysyndaǵy statıstıka basqarmasynda maman bolyp bastaıdy. Keıin Qyzylorda, Soltústik Qazaqstan, Aqtóbe oblystarynda memlekettik qyzmet salasynda túrli laýazymdarda jumys jasaǵan. 2017 jyldyń qańtar aıynan 2019 jyldyń aqpan aıyna deıin Aqtóbe oblystyq ındýstrıaldy-ınnovasııalyq damý basqarmasynyń basshysy qyzmetin atqardy.
Sonymen qatar, basqosýda oblystyq mádenıet, arhıvter jáne qujattama basqarmasynyń basshysy Marjan Qorǵanbaeva óz erkimen qyzmetten bosady.
Jıyn barysynda jylý berý maýsymynyń nátıjeleri talqylandy. Oblys ákiminiń orynbasary Qaırat Bekenov jylý berý maýsymynyń qalypty ótkenin málimdedi. Qatty jáne suıyq otynmen tolyq qamtamasyz etilip, úzdiksiz jylý berilgen.
Oblys ákimi 2019-2020 jyldary jylytý maýsymyna daıyndyqty bastaýdy jáne bul máseleni erekshe baqylaýda ustaýdy tapsyrdy.
Aıta ketý kerek, aǵymdaǵy jyly kommýnaldyq ınfraqurylym obektilerin daıyndaý úshin 9,4 mlrd teńge bólingen. Aǵymdaǵy jyldyń qazan aıyna deıin 635 qazandyq, 274,5 shaqyrym jylý jelileri, 61,3 shaqyrym sý jáne káriz jelileri, 173,9 km elektr jelileri jóndeýden ótýi tıis. 1553 áleýmettik 2460 turǵyn úı jylý maýsymyna daıyndaldy.
Jıyn sońynda oblys ákimi qaramaǵyndaǵylarǵa Aqtóbe qalasyndaǵy baý-baqsha ujymdarynyń, sonymen qatar, Shubarqudyq jáne Keńqııaq aýyldarynyń turmysyna qatysty tapsyrma berdi.
«Jazǵy baý-baqsha maýsymy bastaldy. Baý-baqsha ujymdarynyń turǵyndaryna sýmen qamtamasyz etýde tikeleı kómek kórsetý joldaryn qarastyryńyzdar. Shubarqudyq pen Keńqııaqta da sýǵa qatysty másele týyndap otyr, bul – birinshi jyl emes. Tez arada olardy sheshý kerek», dedi Ońdasyn Orazalın.
Aımaq basshysy óńirde birde-bir eldi meken turǵyndary sý máselesinen tarshylyq kórmeý qajettigin, eger qandaı da bir másele týyndaǵan jaǵdaıda múmkindiginshe tezirek sheshý kerektigin atap ótti.