Qandastarǵa qamqorlyq

Bul memorandým negi­zin­de  atqarýshy tarap­t­yń biri «Otandastar qorynyń» basshysy Nurtaı Ábiqaev Elbasy Nursultan Nazar­baev­tyń bastamasymen dúnıege kelgen atalǵan qu­ry­lym qazirgi tańda ju­my­syn júıelep, isti bas­­tap ketkenin, sonymen qatar aldaǵy ýaqytta mınıstr­likter jáne oblys ákim­dik­teri qatarly atqarýshy organ­darmen birlesip memorandým arqyly jumys jasaý qajettilik ekenin, al búgingi shara sonyń bir aıqyn kórinisi degendi jet­kizdi.

Mundaǵy maqsat et­nos­tyq qazaqtar jáne shetelde turatyn otandastar­dy qoldaýǵa baǵyttalyp otyr. Atap aıtqanda aldaǵy kúnderi qos tarap birlesip, eń áýeli halyqaralyq, res­pýblıkalyq, óńirlik deń­geıde quryltaı, konfe­rensııa, semınar, sımpo­zıým, brıfıngter uıym­dastyrý isine ózara jár­­dem­despek. Ásirese bıyl­­­ǵy Jastar jyly qar­sa­ńyn­da sheteldegi etnos­tyq qazaq jastary úshin oqý-ádistemelik qural­dar ázirleý, olardy ınternet resýrstarda ornalas­ty­rýdy qamtamasyz etý, ekin­shiden, el kólemindegi ult­tyq deńgeıdegi kitap­hana­lar bazasy negizinde shetel­de turatyn qazaq­tar týraly týyndy­lar qo­ryn qurý jáne eli­miz­degi olım­pıadalyq daıar­laý mektep-ınternattaryn­da qazaqtyń daryndy sportshy jastaryn grant negi­zinde oqytý, t.b jumys­tar atqarylmaq.

Osy oraıda qos tarap memlekettik tapsyrma aıasynda aǵymdaǵy jyly «Qasıetti Qazaq eli» ha­lyq­aralyq dástúrli óner fes­tıvali, Reseı Fede­rasııa­synda qazaq mýzy­kasynyń konsertteri, Qazaq­stannyń kıeli jer­lerine ekspedısııa sııaqty t.b. mádenı sharalar uıym­dastyrmaq.

Joǵarydaǵy is-shara­larmen qatar, otandastar arasynda sporttyq oıyndardy damytý jaıy da qolǵa alynbaqshy. Atap aıtqanda, aldaǵy aılarda Mıýnhen qalasynda ótetin kishi quryltaı baǵdar­la­masynda shetel­degi qazaq jastary arasynda sha­ǵyn fýtboldan týrnır ótkizý josparlansa, ishki etnotýrızmdi damytý úshin shetelde turatyn nemese atajurtyna oralǵan qazaq­tardyń ejelgi kıiz ben teri óńdeý, aǵash, metall buıymdardan jasalatyn dúnıelerdi daıyndaý tehnologııasyn zamanǵa saı jańǵyrtý sharasy qarastyrylmaq.

Jıyndy qorytyn­dy­­laǵan mınıstr Arys­tanbek Muhamedıuly, joǵa­rydaǵy atqarylýy tıis sha­ralardyń elimiz úshin ma­ńyzy zor degenge toqtalyp, ásirese shet­tegi qandastarymyzǵa kórse­tiler qamqorlyq qory­nyń buı­dasy tájirıbeli adam­nyń qolynda bolǵa­ny quptarlyq is ekenin aıtty.