Qazaqstan ónimine suranys joǵary

Qazaqstan Premer-Mınıs­triniń birinshi orynbasary  – Qarjy mınıstri Álı­han Smaıylov Qazaqstan Qytaı­men taýar aınalymyn ártarap­tandyrýǵa múddeli ekenin aıtty. Eki el arasyndaǵy taýar aı­­nalymy turaqty túrde ósip keledi. «Biz Qazaqstannyń ta­ýar eksportyn ulǵaıtýǵa daıyn­byz. Qazaqstandyq un, maı jáne óz­ge de ónimder Qytaıdaǵy eń ótimdi taýarǵa aınaldy. Qy­taı halqy Qazaqstan týraly kóbirek bilip keledi», dedi Á.Smaıylov. Qazaqstannyń shy­ǵys kórshisimen kólik-lo­gıstıkalyq saladaǵy baılanysy nyǵaıyp keledi. Máselen, «Dostyq – Alashańqaı» jáne «Al­tynkól – Qorǵas» temir jol ótkelderi Qytaı – Eýropa ba­ǵytyndaǵy tasymaldyń 56 paıyzyn qamtyp otyr. «Qorǵas – Shyǵys qaqpasy» arnaıy ekonomıkalyq aımaǵy shekara mańy yntymaqtastyǵy sııaqty iri jobalar sátti júzege asyrylyp jatyr. Búgingi tańda qos tarap ókilderi «Astana» halyqaralyq qarjy ortalyǵy men Qytaıdyń qarjy ınstıtýttary arasyndaǵy stra­tegııa­lyq baılanysty artty­rýǵa daıyn. Buǵan qosa eki el ara­­syndaǵy alys-beris kezindegi kedendik kedergilerdi oń­taı­landyrý jaıy da nazarda. 

Á.Smaıylov keden bas­qar­­ma­symen eksporttyq dek­larasııa­lar boıynsha onlaın re­jimde málimet almasý týraly kelisimge kelgenin tilge tıek etti. Bul aqparatty qazaq­stan­dyq kásipkerlerdiń ımport­tyq deklarasııalarymen salys­tyrýǵa múmkindik beredi. «Qa­zaq­stanǵa ınvestısııa salǵan mem­leketterdiń ishinde Qytaı tór­tinshi orynda. Qytaı isker­leri negizinen kólik jáne logıs­tıka, taý-ken ónerkásibine qar­jy baǵyttaıdy. Eki eldiń saýda-eko­nomıkalyq baılanysy jyldan-jylǵa artyp keledi. Máselen, soń­ǵy úsh jylda ózara taýar aı­na­lymy 50 paıyzǵa ósti», dedi ol. 

 Qytaılyq delegasııany bas­tap kelgen QHR Memlekettik keńesi vıse-premeri Han Chjen eki eldiń basymdyq berer baǵyttary aıqyndalyp kele jatqanyn jetkizdi. Már­te­beli qonaqtyń aıtýynsha, Qazaqstannyń aýyl sharýa­shy­lyǵy taýarlarynyń alǵashqy legi Qytaıǵa jete bastady. Munaı salasynda jańa jobalar paıda boldy. Eń basty jańalyq – eki eldiń qalasy bir-birimen tyǵyz baılanys ornatty. 

Han Chjen sondaı-aq ótken aıda QHR astanasy Beıjińde ótken ekonomıkalyq forýmdy eske túsirdi. Bul jıynǵa álemniń túkpir-túkpirinen 

5 myń delegat kelipti. «Bizge al­daǵy ýaqytta birigip jumys isteıtin kelisimsharttardyń jobasyn naqtylaý kerek. Qa­zaqtyń tátti nanynyń, qazaq dalasynda shúıgin shópke er­kin jaıylǵan iri qara men usaq maldyń tátti etiniń dámi qy­taılyq naryqty birden ózine qaratypty. Osy baǵytta bi­rik­ken jobalardyń kóbeıe be­rýine múddelimiz. Jaqsy jobalardy qarjylandyrýǵa da­ıyn ekenimizdi taǵy da aıtqym keledi» dedi ol. 

Qytaı vıse-premeriniń ekinshi usynysy qazaq-qytaı arasyn jalǵap jatqan temir jol, avtojol múmkindikteriniń ekinshi kezeńine nazar aýdarý. «Bul eki el arasyndaǵy saýda dá­liziniń múmkindigin arttyrady. Sondaı-aq qazaq-qytaı kásipkerlerin tek iskerlik baılanys emes, tereń dostyqqa ne­gizdelgen dostyqtyń da jalǵap turǵanyn qalaımyn», dep sózin túıinedi. 

QHR Kommýnıstik partııa­synyń ortalyq komıteti men memlekettik keńesi №1 qujatty halyq nazaryna usynǵan bolatyn. Qujatta «Bir beldeý, bir jol» strategııasynyń aıasynda Qytaı basqa memlekettermen aýyl sharýashylyǵy salasyndaǵy áriptestigin arttyra túsedi delingen. Iаǵnı, Beıjiń sheteldik ónimderdiń ımportyn ulǵaıtpaqshy. Bul – Qazaqstan úshin óz aýyl sharýashylyǵy ónimderin eksporttaıtyn jaqsy múmkindik.  ALMATY