«Qazaqstanda sıfrlandyrý qaǵıdalaryn engizý nátıjesinde ótken jyly 580 mln AQSh dollary kóleminde ekonomıkalyq tıimdilikke qol jetkizildi. Bul «Sıfrlyq Qazaqstan» baǵdarlamasynyń bir kórsetkishi ǵana. Qazaqstandy sıfrlandyrý budan ári jalǵasady jáne AQSh ınvestorlarymen yntymaqtastyq ornatýda atalǵan salanyń áleýeti zor», dep málimdedi Asqar Jumaǵalıev.
Sıfrlyq damý, qorǵanys jáne aeroǵarysh ónerkásibi mınıstri atap ótkendeı, Qazaqstan búgingi kúni «CISCO» jáne «IBM» sekildi iri amerıkalyq kompanııalarmen belsendi áriptestik ornatqan. Osymen birge, ótken jyldyń qarasha aıynda jumysyn bastaǵan «Astana Hub» tehnoparkinde IT-startap jáne ınnovasııalar salasynda birlesip jumys júrgizýge birqatar múmkindikter ashylyp otyr.
Amerıkalyq bıznes ókilderi Asqar Jumaǵalıevtiń shaqyrýyna qyzyǵýshylyq tanytty, sebebi olardyń keıbiri Qazaqstan aýmaǵynda júzege asyrylyp jatqan jobalardy qarjylandyrýda oń nátıjege qol jetkizgen. Bizdiń elimizdiń geografııalyq turǵyda ornalasýy, ınvestısııalyq ahýal, IJО́ kórsetkishi jáne negizgi sektorlardyń damýy avıasııalyq ónerkásip salasynda yntymaqtastyqty nyǵaıtýǵa septigin tıgizip otyr.