– Qazaqstanda armıan ultynyń ókilderi ózge etnostarmen jarasymdy ómir súrip, elimizdiń áleýmettik-ekonomıkalyq damýyna zor úles qosyp keledi. Ekijaqty yntymaqtastyqtyń bastaýynda Tuńǵysh Prezıdent – Elbasy Nursultan Nazarbaev tur. Sol kisiniń ıdeıasynyń negizinde qurylǵan Eýrazııalyq ekonomıkalyq odaq aıasyndaǵy yntymaqtastyǵymyz da artyp keledi. Sonymen qatar BUU sııaqty ǵalamdyq, Ujymdyq qaýipsizdik sharty uıymy syndy aımaqtyq uıymdarda da ustanymymyz jaqyn, – dedi Qasym-Jomart Toqaev.
Armen Sarkısıan taraptardyń ekonomıkalyq baılanysyn arttyrýda Astana qarjy ortalyǵynyń mańyzy zor ekenin aıtty.
– Biz halyqaralyq uıymdar aıasynda da, ekijaqty qarym-qatynasta da yntymaqtasa jumys istep kelemiz. Astana qarjy ortalyǵynyń qurylýy eki el arasyndaǵy ekonomıkalyq baılanystardy odan ári damyta túsetinine senemin, – dedi Armen Sarkısıan.
Taraptar eki el arasyndaǵy saýda aınalymynyń ótken jyly 30 paıyzǵa artqanyn atap ótip, aldaǵy ýaqytta osy baǵyttaǵy yntymaqtastyqty keńeıte berýge ýaǵdalasty.