«Adamdar qaıda sapaly ómir súrýge bolatyny jóninde sheshim qabyldap jatyr. Olardyń baqýatty ómir súrýi damý núktelerine shoǵyrlanady jáne bul oryndar megapolıske aınalady. Búginde Jer shary turǵyndarynyń 55% nemese 4 mlrd adam qalada turady. 2020 jylǵa qaraı, qala halqy eki esege artýy múmkin. Sonda árbir 10 adamnyń jeteýi qalalyq bolmaq. Investısııalar memleketke emes, qalalarǵa túsedi. Básekelestik te qalalar arasynda júrip jatyr. Qazirgi ýaqytta álemdik JIО́ 80% qalalarda túziledi. О́nimdilikti arttyryp, ınnovasııalardy kóbirek engizgen ýrbanızasııa turaqty ósimge de yqpal ete alady», dedi Nursultan Nazarbaev.
Onyń aıtýynsha, Qazaqstan qalalarynyń tabysy - memlekettiń álemdik arenada básekege qabiletti bolýynyń negizgi faktory. Qazaqstan da jalpyálemdik ýrbanızasııa úrdisine bet aldy.
«Qazaqstandaǵy ýrbanızasııa belsendi túrde júrgizilip keledi. Qazaqstan halqynyń 40% aýyldarda turady. Alaıda olardyń 20% qalada, 20% - aýylda jumys isteıdi. Bizde iri qalalardyń sany artyp keledi. El astanasy 20 jylda 180 myń adam turatyn provınsıaldy qaladan mıllıondyq megapolıske aınaldy. Almaty qalasynyń turǵyndary 2 mln asady. О́tken jyly mıllıondyq qalalar sapyna Shymkent qalasy qosyldy. Taǵy eki qalany osy qatarǵa qosýdy josparlap otyrmyz», dedi Elbasy.