Qazaqstan tartymdy elder qatarynda

Global Muslim Travel Index – sın­gapýrlyq CrescentRating pen Mastercard kompanııasy birlese ázir­legen, týrızm salasyndaǵy jyl saıynǵy ındeks. Reıtıngti qurý kezinde túrli krıterııler es­ke­riledi. Naqtylaı aıtqanda, reı­tıngti túzgen kezde qolaıly orta, qaýip­sizdik, dinı shekteýler jáne kelý­shiler sany degen tarmaqtardy qam­tıtyn «qorshaǵan orta», meıram­hana­lar, namaz oqıtyn oryndar, áýejaı, bire­geı týrıstik tájirıbe, qonaqúı­ler tarmaqtaryn qamtıtyn «mu­syl­man­darǵa arnalǵan qyz­met­ter», ba­ı­lanysý qolaı­lylyǵy, sıfr­ly aq­pa­rat­tyń bolýy, aq­parat­tyq qamtý tar­maq­taryn qamtı­tyn «kommýnıkasııa» jáne kólik­tik qatynas, vızalyq tal­ap­tar, kóliktik ınfraqurylym tar­maq­­taryn qamtıtyn «qoljetim­di­lik» kórsetkish­teri negizge alynady.

Bul reıtıng boıynsha, Qazaqstan baılanysý qolaıly­ly­ǵy, sıfrly aqparattyń bolýy jáne biregeı týrıstik tájirıbe krıterııleri boıynsha joǵary kórsetkishterge ıe, alaıda qaýip­sizdik, namaz oqıtyn oryndar jáne dinı shekteýler tarmaqtary boıynsha kemshilikter bar. Aıta ketý kerek, kórshiles elderde de dál osy kór­setkishter bo­ıynsha kemshi­lik­ter kezdesedi.

«Qazaqstan týrızmi úshin maq­satty naryqtyń bir bóligi retinde Malaızııa, Iran, BAÁ jáne Taıaý Shyǵystyń basqa elderi anyqtalǵan. 2018 jyldyń nátıjeleri boıyn­sha bul elderden kelýshiler aǵy­ny­nyń ósýi baıqalady (BAÁ 50% ósim), (Malaızııa 44% ósim). Son­dyq­tan bul reıtıng – biz úshin ma­ńyz­dy baǵdar», deıdi «Kazakh Tourism» ulttyq kompanııasy bas­qar­ma tóraǵasynyń orynbasary Q.Sádýaqasov.

IPK International kompanııasy­nyń baǵalaýy boıynsha, qazirgi ýaqyt­ta musylmandar eń jyldam ósip kele jatqan dinı qaýym. 2030 jylǵa qaraı búkil álemniń 25%-yn musylmandar quramaq. Mu­syl­man elderden basqa elderge saıa­hattaý kórsetkishteriniń ósýi jyl saıyn 40% quraıdy. «Mastercard-CrescentRating» má­li­metteri boıynsha, 2018 jyly mu­sylman elderden saıahattaıtyn adamdardyń jalpy sany 140 mln bolǵan. Bul kórsetkish boljam bo­ıynsha 2026 jylǵa qaraı 230 mln-ǵa deıin ósetin kórinedi. 2018 jyly Qazaqstanǵa shet elderden 8,8 mln adam kelgen. Onyń 72,7%-y musylman dinin ustanatyn elder­den, ıaǵnı О́zbekstan, Túrkııa, Ázerbaıjan, Iran jáne t.b. memleketterden kelgen.