Juma, 4 qańtar 2013 7:15
Akterge azamattyq beretin boldy
Reseı prezıdenti Vladımır Pýtın tanymal akter Jerar Depardege Reseı azamattyǵyn berý týraly jarlyqqa qol qoıdy. Bul jóninde Kremldiń saıtynda habarlanǵan.
Saıtta habarlaǵanyndaı, akterge azamattyq el Konstıtýsııasynyń 89-babyna sáıkes berilip otyr. Osy bapta prezıdent «Reseı Federasııasynyń azamattyǵyn jáne saıası baspana berý máselelerin sheshetindigi» kórsetilgen. Jerar Deparde 2012 jylǵy jeltoqsannyń basynda Fransııa prezıdenti Fransýa Ollandtyń asa dáýletti jeke tulǵalarǵa salyq kólemin 75 paıyzǵa deıin kóterý týraly josparymen kelispeı, Fransııadan Belgııaǵa qonys aýdarǵan edi. Vladımır Pýtın 20 jeltoqsanda ótkizgen baspasóz máslıhaty kezinde Depardege Reseı azamattyǵyn berýge daıyn ekendigin málimdegen bolatyn.
Juma, 4 qańtar 2013 7:15
Akterge azamattyq beretin boldy
Reseı prezıdenti Vladımır Pýtın tanymal akter Jerar Depardege Reseı azamattyǵyn berý týraly jarlyqqa qol qoıdy. Bul jóninde Kremldiń saıtynda habarlanǵan.
Saıtta habarlaǵanyndaı, akterge azamattyq el Konstıtýsııasynyń 89-babyna sáıkes berilip otyr. Osy bapta prezıdent «Reseı Federasııasynyń azamattyǵyn jáne saıası baspana berý máselelerin sheshetindigi» kórsetilgen. Jerar Deparde 2012 jylǵy jeltoqsannyń basynda Fransııa prezıdenti Fransýa Ollandtyń asa dáýletti jeke tulǵalarǵa salyq kólemin 75 paıyzǵa deıin kóterý týraly josparymen kelispeı, Fransııadan Belgııaǵa qonys aýdarǵan edi. Vladımır Pýtın 20 jeltoqsanda ótkizgen baspasóz máslıhaty kezinde Depardege Reseı azamattyǵyn berýge daıyn ekendigin málimdegen bolatyn.
Otstavkadaǵy general qamaýǵa alyndy
Túrkııa bas shtabynyń burynǵy basshysy, otstavkadaǵy armııa generaly Ismaıyl Hakkı Karadaıy qamaýǵa alyndy. Taratylǵan aqparattar boıynsha, buǵan armııa generalynyń 1997 jylǵy áskerı tóńkeriske qatysýy sebep bolǵan.
Ismaıyl Karadaıy 1994-1998 jyldar arasynda Túrkııanyń bas shtabyna jetekshilik etken. 1997 jyly eldiń áskerı qolbasshylyǵy ıslamdyq úkimetke basshylyq jasaǵan N.Erbakandy otstavkaǵa ketýge májbúr etken. Al Erbakan Túrkııanyń qazirgi premer-mınıstri Rejep Taıyp Erdoǵannyń saıası seriktesi bolyp esepteletin kórinedi. Aıta keteıik, ótken jyldyń sáýirinde 1997 jyly bıliktiń aýysýy sebepterin tekserýge baılanysty tórt general men ondaǵan ofıser tutqynǵa alynǵan edi.
AQSh rynogyna jańalyqtarmen shyqpaq
Reıter aqparattar agenttiginiń habarlaýynsha, katarlyq «Ál-Jazıra» jańalyqtar telekompanııasy amerıkalyq Current TV kabeldi arnasyn satyp alý týraly ýaǵdalastyqqa qol jetkizgen.
Agenttiktiń aqparatyna qaraǵanda, mámile jasaý jaǵdaıy qazirge qupııa túrde saqtalyp otyr. Keıbir derekter boıynsha, «Ál-Jazıra» atalǵan telearna aıasynda jańa jańalyqtar arnasyn ashpaq. Osy arqyly olar AQSh rynogyna shyǵýdy josparlap otyrǵan kórinedi.
Memlekettik departamentke tapsyrma berildi
AQSh-tyń memlekettik departamentine amerıkalyq azamattarǵa Soltústik Koreıadan jetim balalardy asyrap alýǵa múmkindik beretin is-qımyl strategııasyn daıyndaýǵa tapsyrma berildi.
Jergilikti basylymdardyń jazýynsha, buǵan respýblıkashyldar partııasynan saılanǵan kongressmen Ileana Ros-Leıtınen bastamashy bolǵan. Bul úshin memlekettik departament qyzmetkerleri amerıkalyq otbasylardyń Soltústik Koreıadan balalar asyrap alýyna kedergi keltiretin dıplomatııalyq jáne tóreshildik «kedergilerge» tıisti baǵa berýleri qajet. Sodan keıin dıplomattar sol «kedergilerdi» alý joldary kórsetilgen máselelerdi kongreske usynýlary tıis.
Bireýge – sýdan, bireýge – ottan… degendeı
Irlandııalyq alpınıst Klımandjaro shyńyn baǵyndyrý kezinde naızaǵaı soǵyp, opat boldy. Aqparat agenttikteriniń habarlaýynsha, 42 jastaǵy Ien Makkıverdiń ólimin Irlandııa syrtqy ister mınıstrligi málim etken.
Afrıkadaǵy eń bıik shyńdy baǵyndyrýda Makkıvermen birge bolǵan alpınıster tobynyń músheleri de jaı túsýden zardap shekken. Jaqsysy, olardyń ómirine qaýip tónip turǵan joq. Makkıverdiń ekspedısııasy Irlandııadan Tanzanııaǵa 28 jeltoqsanda attanǵan. Al alpınıster shyńdy baǵyndyrýdy 30 jeltoqsanda bastaǵan eken.
Zorlyqshyl jazasyn alady
Ońtústik Koreıa soty jasóspirimderdi zorlaǵany úshin bir azamatty hımııalyq jolmen tarttyryp jiberý jazasyna kesti. Elde bul jaza pedofılderdi hımııalyq jolmen átek etýge baılanysty zań kúshine engennen keıin qoldanylyp otyr.
«Renhap» agenttiginiń keshe taratqan aqparattary boıynsha, sot qylmyskerge 15 jyl túrmede otyrý jazasyn taǵaıyndaǵan. Oǵan hımııalyq preparat bostandyqqa shyǵýyna az merzim qalǵanda egile bastaıdy. Preparatty ol úsh jyl boıy qoldanýǵa mindetti. Pedofıl 2011 jyldyń qarashasy men 2012 jyldyń mamyry aralyǵynda bes jasóspirimge zorlyq kórsetken. Bul elde atalǵan zań 2011 jyldyń shildesinde qabyldanǵan eken.
Qysqa qaıyryp aıtqanda:
Ýkraınanyń eks-premeri Iýlııa Tımoshenkoǵa radıasııalyq sáýle mólsherin ólsheý úshin qajetti qurylǵyny qoldanýǵa ruqsat etildi.
Tájikstannyń Soǵdy oblysynda shekara áskerleriniń ofıseri Ihtıer Nekaadamov asa iri kólemdegi esirtkimen ustaldy. Odan 22,7 kılo esirtki alyndy.
Lıvııa men Fransııa arasyndaǵy mámilege deldaldyq jasaǵan Zıad Takıeddın M.Kaddafı rejimi N.Sarkozıdiń saılaýaldy naýqanyn qarjylandyrdy degen máseleniń durystyǵyn moıyndady.
Reseılik eki týrıst áıeldi zorlady jáne tonady degen kúdikpen Taılandtyń úsh azamaty tutqyndaldy.
Internet materıaldary negizinde ázirlendi.