Oǵan Qyrǵyz Respýblıkasynyń eks-prezıdenti Roza Otynbaeva, EQDB Ortalyq Azııa boıynsha basqarýshy dırektory Balvanera Brýno, «Qazaqstannyń ekologııalyq uıymdary qaýymdastyǵy» zańdy tulǵalar birlestigi basqarmasynyń tóraıymy Aıgúl Soloveva, «Expo&Women» halyqaralyq uıymy prezıdıýmynyń tóraıymy Saltanat Rahımbekova jáne basqalar qatysty.
О́z sózinde Vıse-Premer Tuńǵysh Prezıdent – Elbasy N.Á.Nazarbaevtyń bastamasy boıynsha Qazaqstanda shıkizattyq táýeldilikten bas tartýǵa baǵyttalǵan jáne ınnovasııalarǵa negizdelgen jańa ekonomıka qurylyp jatqanyn atap ótti. Osy turǵyda metallýrgııa, munaı-gaz hımııasy, agroónerkásip kesheni, bıo- jáne IT-tehnologııalardaǵy zertteýlerge basymdyq beretin joǵary oqý orny ǵylymy damyp keledi.
«Sońǵy 5 jylda zertteýshi áıelderdiń úlesi 51,6%-dan 52,8%-ǵa deıin artty jáne 2018 jyly 9 217 adamdy qurady. Eger 2015-2017 jyldary júzege asyrylyp jatqan 1770 ǵylymı joba jetekshileriniń 566 (32%) áıel bolsa, 2018-2020 jyldardaǵy 1084 ǵylymı jobadaǵy olardyń úlesi 418 (38%) qurap otyr», — dedi G.Ábdiqalyqova.
Is-sharaǵa qatysýshylar áıelderdiń ǵylymǵa, ınnovasııaǵa jáne ekonomıkalyq damýǵa qosqan úlesin arttyrý máselelerin talqylady, halyqaralyq uıymdardyń, memleketterdiń jáne bıznestiń túrli qyzmet salasyndaǵy genderlik alshaqtyqty azaıtýdaǵy tabysty tájirıbelerin jáne genderlik tepe-teńdikti ilgeriletýdegi áıelder qaýymdastyǵynyń kúsh-jigerin biriktirý múmkindikterin qarastyrdy.
Odan ári forým alańynda G.N.Ábdiqalyqova birqatar ekijaqty kezdesýler ótkizdi.
BUU Bas hatshysynyń kómekshisi, «BUU-áıelder» qurylymy atqarýshy-dırektorynyń orynbasary Osa Regnermen áńgimelese otyryp, Premer-Mınıstrdiń orynbasary genderlik teńdik jáne áıelderdiń quqyqtary men múmkindikterin keńeıtý salasyndaǵy Qazaqstannyń jáne «BUU-áıelder» qurylymynyń áriptestigi men yntymaqtastyǵyn odan ári tereńdetý máselelerin atap ótti.
Qazaqstanda bul uıym QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııamen birlesip Úkimettiń qarjylyq qoldaýymen genderlik-baǵdarlanǵan josparlaý jáne bıýdjetteý, jaǵdaıy tómen áıelderdiń ekonomıkalyq quqyqtaryn ónimdi jumyspen qamtý jáne kásipkerlikke tartý jolymen keńeıtý, áıelder men qyzdarǵa qatysty zorlyq-zombylyqty joıý jónindegi jobalardy iske asyrady.
BUU Bas hatshysynyń kómekshisi, BUU DB-nyń Eýropa jáne TMD elderi boıynsha óńirlik bıýrosynyń ákimshisi jáne dırektory Mırıana Spolıarıch Eggermen kezdesýde Ornyqty damý maqsattaryna (ODM) qol jetkizý boıynsha júrgizilip jatqan jumys máseleleri talqylandy. Búgingi kúni ODM-nyń 80% eldiń ulttyq strategııalyq qujattarymen qamtylǵan. Qazaqstan Respýblıkasy Úkimetiniń janynan eldegi ODM-ny úılestirý men iske asyrýdyń ulttyq tetigi retinde áreket etetin Úılestirý keńesi quryldy.
Úkimettiń basty basymdyǵy azamattardyń laıyqty ómir súrý deńgeıin qamtamasyz etý jáne áleýmettik baǵdarlanǵan memleket retinde damytý bolyp tabylatyndyǵy atalyp ótti. 2019 jyly áleýmettik salaǵa respýblıkalyq bıýdjettiń barlyq shyǵystarynyń 43%-n astamy baǵyttaldy. Elimizde qazaqstandyqtardyń ál-aýqaty men ómir súrý sapasynyń jalpy ósýine, jaǵdaıy tómen adamdardy qoldaýǵa baǵyttalǵan aýqymdy reformalar júrgizilýde.