Kenshiler astanasyndaǵy basty kóshe – Buqar jyraý dańǵylyndaǵy ǵımarattar men turǵyn úılerdiń syrtyna zamanaýı materıaldardan jasalǵan mekenjaı anshlagtary ornatyla bastady.
Qaraǵandy qalasynyń sáýlet-estetıkalyq kelbetin jaqsartý jáne turǵyndar úshin qolaılylyq týdyrý maqsatyn kózdegen bul jumystar kezeń-kezeńimen júrgizilip, aldaǵy ýaqytta qalanyń basqa da kóshelerin qamtıtyn bolady.
– Anshlagtar zamanaýı materıal – jaryq shaǵylystyratyn jáne jaryq toıtarǵysh qabyqshadan jasalǵan. Mekenjaı taqtaıshalaryn aýystyrý demeýshiler esebinen júrgiziledi, bıýdjetten qarajat jumsalmaıdy, – dep málimdedi Qaraǵandy qalasynyń Qazybek bı atyndaǵy aýdan ákimi Tatıana Shatohına.
Jumys mynadaı retpen júrgiziledi: áýeli jańa anshlagtar ornatylady da, keıinirek oǵan jaryq tartylyp, QR kodtar tańbalanady.
Qaraǵandy oblysy