Ýnıversıtettiń 80 jyldyq merekesin atap ótýdiń saltanatty jıynyna bilim ordasynyń ujymymen qatar, Parlament Senatynyń depýtattary Serik Bekturǵanov pen Jeńis Nurǵalıev, oblys máslıhatynyń hatshysy Saılaýbek Esjanov qatysty.
Jeńis Nurǵalıev Senat tóraıymy Darıǵa Nazarbaevanyń ýnıversıtetke quttyqtaý hatyn oqyp berdi.
«Qurmetti qostanaılyqtar! Sizderdi akademık О́.Sultanǵazın atyndaǵy Qostanaı memlekettik pedagogıkalyq ýnıversıtetiniń 80 jyldyǵymen quttyqtaımyn. Akademık О́mirzaq Sultanǵazın álemdik ǵylymı ortada óz orny bar asa iri tulǵa. Ol tek Qazaqstan ǵylymynyń damýyna ǵana emes, jalpy álemdik ǵylymǵa úles qosty. Memlekettik syılyqtyń laýreaty, akademık jáne Qazaqstan ǵylym akademııasynyń prezıdenti qyzmetin atqarǵan ol ylǵı bıik zııalylyǵymen erekshelendi. О́mirzaq Mahmutuly «Asar» partııasynyń quramynda bolǵan kezeńde ǵalym tereń oılarymen, eńbekqorlyǵymen partııalastarynyń qurmetine bólengen edi. Álemdik deńgeıdegi ǵalymnyń esimin alý Qostanaı memlekettik pedagogıkalyq ýnversıteti ujymyn ǵylymı zertteý jumystary men pedagogtar daıyndaýda asa shabytqa bóleıdi dep oılaımyn» dep jazylǵan Darıǵa Nursultanqyzynyń quttyqtaýynda.
Senator Serik Bekturǵanov ta qostanaılyqtardy bilim ordasynyń 80 jyldyǵymen quttyqtady. Ol sonymen qatar Bilim jáne ǵylym mınıstrliginiń atynan ýnıversıtettiń damýyna zor úles qosqan pedagogtar men qyzmetkerlerdi «Y.Altynsarın medalimen» marapattady. Ýnıversıtet rektory Erkin Ábil ýnıversıtettiń damýyna úles qosqandarǵa jáne qurmetti qonaqtarǵa, onyń ishinde akademık О́mirzaq Sultanǵazınniń jubaıy Raıhan Ǵanıqyzyna da «О́.Sultanǵazın medalin» tapsyrdy.
Bilim ordasynyń 80 jyldyǵy merekesi ýnıversıtet stýdentteri men E.О́mirzaqov atyndaǵy oblystyq fılarmonııa ártisteriniń án-kúı, bıimen órnektelip otyrdy.
Qostanaı