Jazǵy sport maýsymynyń ashylý saltanatynda sóılegen sózinde oblys ákiminiń birinshi orynbasary Marat Tasmaǵanbetov qazaq halqy atty er qanaty retinde qadirleı bilgenin, tórt túlik patshasy jylqynyń orny bólek ekenin atap kórsetti.
«Ata miný mádenıeti men jylqy sharýashylyǵy jer júzine Uly daladan taraǵany tarıhtan belgili. О́ńirimizde ornalasqan «Botaı» qonysynda júrgizilgen qazba jumystary jylqynyń tuńǵysh ret Qazaqstan aýmaǵynda qolǵa úıretilgenin dáleldedi. «Tulpar» at sporty klýby az ýaqyttyń ishinde jaqsy nátıje kórsetti. Kókparshylarymyz respýblıkalyq dodalarda olja salyp júr», dedi Marat Imanbaıuly.
Aqtóbe, Kókshetaý qalalarynan kelgen jáne óńirimizdiń 13 aýdanynan qosylǵan atbegiler tuıaǵymen jer tarpyǵan kil júırikterin báıgege qosty.
Qyz qýý, teńge alý, aýdaryspaq sekildi ulttyq oıyndardan keıin jurtshylyqtyń delebesin qozdyrǵan báıge bastaldy. Jarysqa aldymen 1800 shaqyrymǵa ushqyr attar jiberildi. Olardyń arasynan Ǵ. Músirepov aýdanynyń «Saboıa» atty arǵymaǵy oq boıy alda keldi. 7 shaqyrymdyq jorǵa jarysta taıynshalyqtardyń mereıi ústem boldy. 15 shaqyrym alaman báıgede Aıyrtaý aýdanynan úkilep qosqan sáıgúlik sóreni birinshi bolyp qıdy.
Jeńimpazdar aqshalaı syıaqylarmen, qurmet gramotalarmen marapattaldy.
Soltústik Qazaqstan oblysy