- Bıyl Qor «Igilik», «Yntymaq», «Kásipker», «Birlik» jáne «Eginjaı» nesıe baǵdarlamalary boıynsha 2,4 mlrd teńge nesıe berýdi josparlandy. Etti mal sharýashylyǵyn damytýdyń salalyq baǵdarlamasy aıasynda «Sybaǵa» nesıelik baǵdarlamasy jumys isteıdi. Sondaı-aq, sút-taýar fermalaryn damytýǵa baǵyttalǵan «Yrys» baǵdarlamasy boıynsha qarjylandyrýdy jalǵastyrý josparlanýda», - dedi ol.
«Nátıjeli jumyspen qamtýdy jáne jappaı kásipkerlikti damytý» baǵdarlamasy boıynsha nesıeler túrli maqsattarǵa jyldyq 6 paıyzdyq syıaqy stavkasy boıynsha beriledi. Nesıe baǵdarlamasyna baılanysty kezeńi, somasy, jeńildik kezeńiniń uzaqtyǵy ózgeredi. Sondaı-aq, Qordyń nesıe baǵdarlamalary jaǵdaıynda agrarshylar qyzmetiniń ereksheligi, onyń ishinde aýyl sharýashylyǵy jumystarynyń maýsymdylyǵy men sıkldiligi eskeriledi.
«Igilik» baǵdarlamasy aıasynda iri qara mal, usaq mal, túıeler, qustar, bal aralaryn satyp alý qarastyrylǵan bolsa, «Birlik» baǵdarlamasy boıynsha sút qabyldaý pýnktterine arnalǵan jabdyqtar satyp alynady.
Sondaı-aq, «Sybaǵa» baǵdarlamasy boıynsha beriletin zaemnyń eń uzaq merzimi 15 jyl. Nesıe aýyl sharýashylyǵy taýaryn óndirýshilerge etti baǵyttaǵy ımporttalǵan iri qaranyń analyq basyn jáne otandyq usaq maldy, tehnıka men jabdyqtardy satyp alýǵa beriledi.
Kórshi memleketter de qarap qalyp jatqan joq. Jemis-jıdek, baý-baqsha, kókónis ónimderin saýdaǵa kóp shyǵaratyn О́zbekstan memleketiniń basshylyǵy mal ónimderimen aınalysatyn usaq sharýalardy qoldaýdy bastap ketti. Sonyń saldary Qazaqstannyń et naryǵynan aıtarlyqtaı bilinip qaldy. Sondyqtan da, sharýalarymyz memlekettik qoldaýdyń arqasynda mal sanyn kóbeıtýge kúsh salmasa bolmaıdy.