QR IIDM derekterine sáıkes, elimizde qazirgi tańda 12 AEA jáne 23 IA qurylyp, jumys istep tur.
Indýstrııa jáne ınfraqurylymdyq damý mınıstri R. Sklıar barlyq AEA ınfraqurylymynyń qurylysyna bıýdjet shyǵyndary 314,3 mlrd teńgeni, bul rette tartylǵan ınvestısııa kólemi 910 mlrd teńgeni quraǵanyn aıtty. Iаǵnı, AEA ınfraqurylymyna salynǵan 1 bıýdjet teńgesi 2,8 teńge jeke ınvestısııa tartýǵa jol berdi.
«Arnaıy ekonomıkalyq aımaq aýmaqtarynda barlyǵy 183 joba iske qosyldy, olardyń ishinde sheteldik qatysýmen 46 joba bar. 15,5 myń jumys orny quryldy. Bıýdjetke salyq túrinde shamamen 150 mlrd teńge qaıtaryldy», dedi R. Sklıar.
Indýstrııalyq aımaqtarda ınvestısııalar kólemderi shamamen 183 mlrd teńgeni quraıtyn 168 óndiris iske qosyldy. 8,5 myńnan asa jumys orny quryldy. Bul rette, Indýstrııalyq aımaq ınfraqurylymyna 85,9 mlrd teńge salyndy. Osylaısha, salynǵan 1 bıýdjet teńgesi 2,1 teńge ınvestısııa tartty.
R. Sklıardyń málimdeýinshe, 2021 jylǵa qaraı AEA aýmaqtarynda 2 trln teńgeden asatyn somaǵa 147 joba iske asyrylatyn bolady. 2019 jyly shamamen 1200 jańa jumys ornyn qura otyryp, 160 mlrd teńgeden asa somaǵa 36 joba iske qosylady.
Indýstrııalyq aımaq aýmaqtarynda 2021 jylǵa qaraı 520 mlrd teńge somasyna 173 joba iske qosylatyn bolady. Olardyń ishinde aǵymdaǵy jyly jalpy somasy 163 mlrd teńgege 40 joba iske asyrylatyn bolady.
Energetıka vıse-mınıstri Á. Maǵaýov, óz kezeginde, «Ulttyq ındýstrııalyq munaı-hımııa tehnoparki» AEA damytý týraly baıandady. 2019 jyldyń 1 mamyryndaǵy jaǵdaı boıynsha Arnaıy ekonomıkalyq aımaqty iske qosqan sátten bastap 10,1 mlrd teńgege ónim óndirildi, 2 600 jumys orny quryldy.
AEA iske asyrylyp jatqan negizgi jobalar — polıpropılen men polıetılen óndirisi. Onyń jalpy quny $9 mlrd quraıdy. Osy eki jobanyń JIО́ úlesi 1,5% quraıdy. Budan ózge arnaıy ekonomıkalyq aımaqta jeke ınvestorlardyń polıetılentereftalat, metanol jáne sıklogeksan óndirisi jobalaryn iske asyrýy kútilýde. Olar qazir pysyqtalýda.
Bul jobalar shamamen $2,5 mlrd kóleminde ınvestısııany tartady. Qurylys kezeńinde 10 000-ǵa deıin jáne paıdalaný kezeńinde 1 500 jumys orny qurylatyn bolady.
Arnaıy ekonomıkalyq aımaqtardyń jumysyndaǵy «Samuryq-Qazyna» qorynyń jumysy týraly «Samuryq-Qazyna» UÁQ» AQ basqarýshy dırektory Á. Pirmetov baıandady. Onyń aıtýynsha, 2016 jyly qazanda «Qorǵas – Shyǵys qaqpasy» AEA ınfraqurylymynyń barlyq 68 nysany paıdalanýǵa berildi, 2015 jyly shildede «Qorǵas» AEA Qurǵaq porty paıdalanyla bastady. 2015 jyldyń 29 shildesinen bastap 2019 jyldyń 1 mamyry aralyǵynda qurǵaq portta JFE (jıyrma fýttyq ekvıvalentinde) 317,4 myń konteıner óńdeldi. 2018 jyly «Qorǵas – Shyǵys qaqpasy» AEA-da 9,3 mlrd teńgeden astam jeke ınvestısııalar ıgerildi.
«Samuryq-Qazyna» ulttyq ál-aýqat qorynyń basqarma tóraǵasy A. Esimov Qordyń ınfraqurylym qurylysyn negizgi júrgizýshi ekenin atap aıtty. Qurylysty bir jyl buryn - 2020 jyldyń sońynda aıaqtaý kózdelgen. «Hımpark Taraz» AEA boıynsha 7 jylda 30 mlrd teńge ıgerildi, onyń ishinde 8 mlrd teńge ótken jyly ıgerildi. Osy ındýstrııalyq aımaqty basqa jobalarmen tolyqtyrý mindeti tur.
Sonymen qatar basqarýynda arnaıy ekonomıkalyq jáne ındýstrııalyq aımaqtar bar birqatar óńirler tyńdaldy. О́ńirlerde AEA pen IA qazirgi damýy týraly Shymkent q. ákimi Ǵ. Ábdirahymov, Qostanaı oblysynyń ákimi A. Muhambetov, Jambyl oblysynyń ákimi A. Myrzahmetov baıandady.
Premer-Mınıstrdiń orynbasary J. Qasymbek bir aı buryn arnaıy ekonomıkalyq jáne ındýstrııalyq aımaqtar týraly zańǵa memlekettik qoldaý sharalaryn alý rásimderin jeńildetetin, sóıte otyryp, basqarýshy kompanııalarǵa qoıylatyn talaptardy kúsheıtetin birqatar ózgerister engizilgenin atap aıtty. Bul baǵyttaǵy jumystar jalǵastyrylatyn bolady.