Qostanaıda eki eldiń erikti jastary men qoǵamdyq uıymdary ókilderiniń qatysýymen ótip jatqan Qazaqstan-Reseı forýmynyń alǵashqy kúni Qazaqstan Respýblıkasy Aqparat jáne qoǵamdyq damý mınıstri Dáýren Abaev jastardyń qyzmette ósýi men tabystarǵa jetýdiń syry týraly aıtty.
«Aldymen adamnyń qoly bir quzyrǵa, ókilettikke jetýi tıis. Ekinshiden, soǵan qaraı adam jaqsy jaǵyna ózgerýi tıis. Úshinshiden, baılanys, ıaǵnı kóppen aralasýy qajet. Osy úsheýi bolmaı, qyzmette joǵarylaý múmkin emes. Al eriktilerde qandaı ádet bolýy tıis? Tipti muny ádet emes, adammen týa bitetin qandaı qasıet kerek degenimiz durys bolar? Ol ár nársege, aınalaǵa selqos qaramaý der edim. Eger osylaı bolsa, aıyń ońynan týady» dedi Dáýren Áskerbekuly.