Murajaı aýmaǵynda jeke taqyryptar boıynsha birneshe alań quryldy. Olardyń ishindegi «Uly dalanyń jeti qyry» atty atqa miný mádenıetine arnalǵan alańnyń jurtshylyq nazaryn erekshe aýdarǵanyn aıta ketken jón. Bul jerde «Karat» at zaýytynan eki at ákelinip, balalarǵa atqa otyrý, at ústinde ózińdi qalaı ustaý kerektigi týraly dáris berildi.
«Qymyz-patı» alańynda ulttyq sýsyndy durys pisý boıynsha ótken sheberlik synyby da kelýshilerdi beı-jaı qaldyrmady. Qonaqtar kádimgi kúbide qymyz pisip, dástúrli sýsynnyń qalaı daıyndalatynymen tikeleı tanys boldy.
Sondaı-aq, murajaı qonaqtary túrki jazýy boıynsha sheberlik synyptarynda óz esimderin túrki tilinde jazyp, sóz qurastyrý erejeleri boıynsha dárister aldy. Shara sońynda qatysýshylarǵa «Túrki» degen jazýy bar bilezikter men álipbı bar paraqshalar estelik syılyq retinde tabys etildi.
Mereke kúni murajaı qory aýǵan soǵysyna qatysty jańa jádigerlermen tolyqty. Qala turǵyndary syıǵa tartqan eksponattar qatarynda fotomaterıaldar, jeke qujattar, ınternasıonalıst-jaýyngerlerdiń ordenderi men medaldary, áskerı kıimderi jáne basqa da qyzyǵýshylyq týdyrar jádigerler bar.
Qaraǵandy oblysy