Jasulan Raıbekuly Túrkistan oblysy Túlkibas aýdany Turar Rysqulov aýylynyń týmasy. Otbasynda 5 aǵaıyndy: 3 ul, 2 qyz. Ol - úıiniń úlkeni. Ákesi mal dárigeri. Anasy balabaqshada ádisker bolyp jumys isteıdi. Qazirgi tańda Jasulan Halyqaralyq bıznes jáne kommýnıkasııa kolledjinde 1-kýrsta oqıdy. Ustazdarynyń aıtýynsha, Jasulan oqýǵa túskennen bastap qoǵamdyq jumystarǵa atsalysyp, jaýapkershiligi mol stýdent ekenin birden baıqatqan. Kolledj stýdentterinen quralǵan Jaıdarman oıyndarynda úzdik oıynshylardyń biri. Oqýda úzdik stýdent.
«Men Halyqaralyq bıznes jáne kommýnıkasııa kolledjiniń 1-kýrs stýdentimin. Mamandyǵym qarjyger. Meni grantqa aýystyrǵany úshin kolledj dırektory Serik Shaphatulyna alǵysym sheksiz. Osy grantqa ótýime, oqýymnyń 3 jyldyq qarjysyn tólep bergen Tımýr aǵaıǵa rahmetimdi aıtamyn. Sonymen qatar, grantqa aýysýyma kómektesken muǵalimderge, Quralaı Beldebaıqyzyna jáne de kýratorym Qýatbek Berkinbaıulyna alǵys aıtqym keledi. Grantqa aýysqanymdy habarlaǵan kezde óte qatty qýandym, ata-anam da qatty qýandy. Bizdiń otbasymyz úshin bul jaǵdaı óte bir keremet oqıǵa boldy. Meıirimdi jandar kóbeıe bersin» deıdi stýdent.
Serik Shaphatuly basshylyq etetin kolledj 2009 jyldan bastap jumys istep keledi. Alǵashynda Zań, ekonomıka jáne nanotehnologııa kolledji dep atalyp, 2014 jyldan bastap Halyqaralyq bıznes jáne kommýnıkasııa kolledji degen ataýǵa ıe boldy.
Sońǵy 8 jyl jumys isteý barysynda Halyqaralyq bıznes jáne kommýnıkasııa kolledji 1100-ge jýyq mamandy ekonomıka, radıoelektronıka jáne baılanys, esepteý tehnıkasy jáne baǵdarlamalyq qamtamasyzdandyrý, aqparattyq júıeler, quqyqtaný jáne aýdarma isi, ekonomıka jáne bıznes salalary boıynsha úzdik mamandardy daıarlap shyqqan.