Kásiporynnyń shıkizat qýattylyǵy – 5 myń tonna et. Et tereńdetip óńdelip, 3 myń tonna daıyn ónim shyǵarylady. Shujyq ónimderi men jartylaı fabrıkattar eksportqa jiberiledi.
«Kásiporynnyń Ortalyq Azııada balamasy joq. Investısııa kólemi 5 mıllıard teńgeni quraıdy. 74 jańa jumys orny ashyldy. Barlyǵy 100 adam eńbek etetin bolady», dedi ashylý saltanatynda sóılegen sózinde aımaq basshysy Qumar Aqsaqalov.
Nemis tehnologııasy boıynsha salynǵan kombınatta birneshe seh bar. Shoshqa kesheniniń qýattylyǵy – 50 myń bas. Onda 92 adam eńbektenýde. Jýyrda taǵy bir keshenniń qurylysy bastalady.
EMC Agro JShS-niń dırektory Qanat Ataıbekovtyń aıtýynsha 2020 jylǵa taman shoshqa 100 myń basqa jetkiziledi. Jemazyq zaýyty salynyp, keshen odan ári ulǵaıtylady.
Byltyr osy aýdanda «Bıo opereısheıns» zaýyty esigin aıqara ashqan bolatyn. Onda qazir 450 adam jumys isteıdi. Nysan bıoetanol, krahmal men kilegeı shyǵarýmen aınalysady.