Qoǵamdyq baqylaýdyń ınteraktıvti kartasy «Astana – adaldyq alańy» jobasyn iske asyrý aıasynda engizildi.
Karta – bul syrtqy resýrsta bólinetin bıýdjet qarajatyn kórsetý jáne baqylaý, shaǵymdar, pikirler jınaý jáne aqparatty taldaý úshin jalpy qoljetimdi servıs.
«Eger joldarda jóndeý jumystary júrgizilip jatsa, nemese kerisinshe, jóndeý jumystary uzaq ýaqyt júrgizilmese, azamattar ınteraktıvti karta saıtyna kire alady (www.publicbudget.kz). Qala kartasynan nysandy taýyp, tıisti pikir qaldyrýy qajet. Habarlamalardy jedel sharalar qabyldanatyn joba qyzmetkerleri qadaǵalaıdy», – dedi qala ákiminiń orynbasary Arman Turlybek.
Onyń aıtýynsha, resýrsta bólingen qarajat pen jumystardy júrgizý barysy týraly málimetter jınaqtalǵan.
«Osylaısha biz Azamattyq baqylaý ınstıtýtyn kúsheıtip, elorda turǵyndarynyń qalalyq prosesterge tartylý kórsetkishin arttyrǵymyz keledi», dep atap ótti A.Turlybek.
Kartada joldardy jóndeý jáne salý jónindegi derekter ǵana emes, mektepter, emhanalar sııaqty barlyq áleýmettik nysandarǵa bólingen bıýdjettik qarajat jóninde málimetter kórsetilgen.
Elorda turǵyndary qandaı da bir obektiniń qyzmetine qatysty kez kelgen sıpattaǵy ótinishti qaldyra alady. Bul mektepterde irikteýge qatysty saýaldar, emhanada medısınalyq qyzmet kórsetýdiń sapasy nemese memlekettik organǵa shaǵym bolýy múmkin.
Praktıkalyq servıs kómegimen elorda turǵyndary qalalyq ortany jaqsartý boıynsha shaǵymdar men usynystardy qaldyra alady, sondaı-aq bıýdjet qarajatynyń jumsalýyn baqylaýdy júzege asyra alady. О́z pikirlerińizdi www.publicbudget.kz saıtynda qaldyra alasyzdar.