Seýlde ota jasaǵan qazaq hırýrgi

Seýlde ota jasaǵan qazaq hırýrgi

Juma, 18 qańtar 2013 7:03

 Osy kúni qoǵamda «medısına salasyndaǵy joǵary bilim aqy­ly bolǵaly beri, jas dárigerler­diń biliktiligi tómendep ketti» degen pikir de bar. Bizdińshe, má­sele oqýdyń aqyly, ne aqysyz bolǵanynda emes. Jas dáriger­ler­diń arasynda da nebir talantty jandar bar. Solardyń biri – Qazaqstan Respýblıkasy Is bas­qarmasy Medısınalyq ortaly­ǵyna qarasty aýrýhananyń qan tamyrlary hırýrgi Berik Qaı­kenov. Qostanaı oblysyndaǵy Rýdnyı qalasynda týǵan Berik shyn mánindegi óz isiniń sheberi. Birde, aıaǵy múldem qaraıyp, kesýge kelisimin berip kelgen bir azamatty Berik baýyrymyz: – «Joq, emdep, jazýǵa bolady. Aıaq­syz qalaı júresiz. Táýekel, sizdiń óz kómegińizben syrqaty­ńyzdan aıyqtyryp kóreıin»,

Juma, 18 qańtar 2013 7:03

 Osy kúni qoǵamda «medısına salasyndaǵy joǵary bilim aqy­ly bolǵaly beri, jas dárigerler­diń biliktiligi tómendep ketti» degen pikir de bar. Bizdińshe, má­sele oqýdyń aqyly, ne aqysyz bolǵanynda emes. Jas dáriger­ler­diń arasynda da nebir talantty jandar bar. Solardyń biri – Qazaqstan Respýblıkasy Is bas­qarmasy Medısınalyq ortaly­ǵyna qarasty aýrýhananyń qan tamyrlary hırýrgi Berik Qaı­kenov. Qostanaı oblysyndaǵy Rýdnyı qalasynda týǵan Berik shyn mánindegi óz isiniń sheberi. Birde, aıaǵy múldem qaraıyp, kesýge kelisimin berip kelgen bir azamatty Berik baýyrymyz: – «Joq, emdep, jazýǵa bolady. Aıaq­syz qalaı júresiz. Táýekel, sizdiń óz kómegińizben syrqaty­ńyzdan aıyqtyryp kóreıin», dep aýrý jannyń janyna medeý ta­ýy­p, emge kiriskeni bar. Sodan, araǵa aılar salyp, álgi azamat Beriktiń shıpaly qolynyń, sátti eminiń arqasynda qulan-taza sa­ýy­ǵyp, eline qaıtty.

 Nebári otyzǵa da tolmaǵan jas jigittiń sheberlik shyńyna kóterilgenin osyndaı júzdegen mysaldardan kórýge bolady. Byl­tyrǵy jazda Berik Talǵat­uly Ońtústik Koreıanyń Seýl qala­synda biliktilik tájirıbesi­nen ótip, sondaǵy ortalyq emha­na­lardyń birinde kúrdeli ota ja­saýǵa qatysyp qaıtty. Seýldik­ter qazaqtyń jas dárigeriniń óz ma­mandyǵyn joǵary deńgeıde ıger­genine rızashylyqtaryn bil­dirdi. Jas hırýrg kabınetiniń aldy qashanda emdelýshilerge toly. «Berik Talǵatuly keldi me eken, ol kisiniń qoly bosady ma eken?» – degen halyqtyń qarasy qashan­da kóp. Beriktiń dárigerlik taǵy bir jaqsy qyry  – aldyna qına­lyp kelgen syrqattardyń sónýge aınalǵan úmitin birden tutatyp jibere alýynda. «So­ǵys­ta áke-atalarymyz qol-aıaq­taryn oq ju­lyp ketkende de Otan úshin alǵa dep shabýylǵa shyǵa bergen. Siz de densaýlyǵym úshin dep, syr­qatyńyzben shaı­qasqa taısalmaı qarsy turýyńyz kerek. Qandaı keseldi de adam­nyń ózi bastap, emdeýshi dárigeri qostap, jeńýine bolady. Sizdiń syrqatyńyzdyń da emin tabamyz. Tek, sabyrlylyq pen tózimdilik jáne emdelip shy­ǵamyn degen shyn talabyńyz kerek», – deıdi aldyna kelgenderge Berik Tal­ǵatuly.

 Jas hırýrgtiń osylaısha ómirden kúderin úzýge shaq qal­ǵan júzdegen jandardyń janyna ji­ger uıalatyp, kóńiline qanat bitir­genin rızalyqpen aıtqymyz ke­ledi. Qaraǵandy memlekettik me­dı­sınalyq ınstıtýtyn úzdik bi­tir­gen jas hırýrgke qaralýǵa, emdelýge kelýshiler jalǵyz As­tana qalasynan ǵana emes, Qa­zaq­stan­nyń búkil aımaqtarynan da bar.

– Qaı syrqattyń da emi bar. Tek, eń bastysy – ýaqytyn ótki­zip almaýǵa tyrysý kerek. Bizge keıde adamdar em alý merziminiń qolaıly ýaqyttarynan keshigip keledi. Sonda da, medısınanyń eń sońǵy jetistikterin jumyl­dyra otyryp, jazylyp ketýleri­ne jol ashamyz. О́z basym aldyma kelgen adamdardyń kóńilin jabyrqatqan emespin. Árıne, aýrýy jaıynda aqıqatyn aıtamyn, biraq, úmitin úkilep, janyna me­deý, jigerine ot tastaýdy umyt­paımyn. Eger syrqat jazylaryna senbese, dárigerdiń búkil emi esh ketedi. Emdeýshi mamannyń ózi syrqatpen qosyla baıbalam salsa, nátıje bolmaıdy, – deıdi jas hırýrg. Onyń osy baılam­darynyń ózinen-aq qandaı maman ekenin ańǵarýǵa bolar.

 Beriktiń taǵy bir qasıeti – meılinshe kishipeıildiligi, máde­nıe­tiniń sonshalyqty joǵary­lyǵy. Únemi izdenis ústindegi Berik Talǵatulynyń óz bilimi men tájirıbelerin jetildire tú­sý jolyndaǵy talmas eńbekteri de jas qaýymǵa mektep.

– Men ómirden kúderimdi úzip, aıaq astynan tap bolǵan kese­limnen endi aıyqpaspyn dep júrgenimde, tanystarymnyń aıtýymen osy jas hırýrgke alys­tan at arytyp jettim. Keıbi­reýlerdeı bálsinbeı, birden qa­byldap, emdeı bastady. Janyma shıpa bolar sózderi qandaı edi deseńizshi, Berik aınalaıynnyń. Sodan bir jylda qulan-taza jazylyp, aýylyma oraldym. Ob­lys­taǵy hırýrgterdiń aıaǵymdy kesý kerek degen baılamyn Berik Talǵatuly óziniń sátti emimen joqqa shyǵardy. Qazaqta osyndaı óz isiniń shyn sheberleriniń bolýy memleketimizdiń de ósken órkenin kórsetedi eken, – deıdi jas hırýrgtiń shapaǵatyna bó­lengen qostanaılyq el aǵasy.

Bilikti basshy Sáýle Dúı­se­bekqyzy Qısyqova jetekshilik etetin atalǵan aýrýhana ujy­myn­daǵy óz mamandyǵynyń aıtýly sheberi atana bastaǵan jas hırýrg Berik Qaıkenov osy kún­derde adam aǵzasyndaǵy qan tamyrlarynyń jaratylys erek­she­likteri men tirshiliktik ma­ńyzdy qyzmetterin jaqsartýdyń joldaryna qatysty ǵylymı iz­denister ústinde.

– Elimizdiń medısına salasy Elbasynyń qamqorlyǵynyń ar­qasynda buryn-sońdy bolmaǵan deńgeılerge kóterildi. Astana­daǵy emhanalar men aýrýhana­lardaǵy álemdik úlgidegi eń ozyq tehnıkalyq jaraqtandyrýlarǵa dárigerlerimizdiń biliktilikteri de saı bolýda. El bolashaǵy – halyqtyń densaýlyǵynda, – deı­di astanalyq jas hırýrg.

Aıtary joq, Elbasymyz ózi­niń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasyn­da: «Árbir qazaqstandyq úshin qundylyq – óziniń densaýlyǵy. Sondyqtan da, Táýelsizdiktiń bar­lyq jyldarynda men halyq den­saýlyǵyna erekshe kóńil bólip kelemin. Bul taqyryp qa­shanda meniń baqylaýymda», – dep atap kórsetti. Memleket bas­shysynyń halyqtyń densaýly­ǵyn saqtaý salasyndaǵy osynaý qajyrly eńbeginiń aqtalýyna óziniń bilikti maman retindegi adal eńbegimen úles qosyp kele jatqan jas hırýrg Berik Qaı­kenov – Táýelsiz­digimiz túlet­ken, ósirgen, jetkiz­gen órshil órken­derimizdiń biri.

Smaǵul RAHYMBEK,

 jýrnalıst.

ASTANA.