Nur-Sultan qalasynda Mádenıet jáne sport mınıstrliginiń uıymdastyrýymen ótken «Rýhanı qazyna – 2019» mádenıet jáne óner salasy shaǵyn uıymdary men qyzmetkerleriniń II respýblıkalyq konkýrsy máresine jetti. Konkýrsta Qyzylorda oblystyq halyq shyǵarmashylyǵyn damytý ortalyǵy «Úzdik oblystyq halyq shyǵarmashylyǵy ortalyǵy» atalymy boıynsha baıqaýdyń bas júldesin jáne 1 mıllıon teńge sertıfıkatyn jeńip aldy.
Baıqaý nátıjesinde, Á.Tájibaev atyndaǵy Qyzylorda oblystyq ámbebap ǵylymı kitaphanasynyń bólim meńgerýshisi Qaldygúl Dosmaǵanbetova «Oblystyq mańyzy bar kitaphananyń úzdik memlekettik qyzmetkeri» nomınasııasy boıynsha jeńimpaz atanyp, Qazaqstan Respýblıkasy Mádenıet jáne sport mınıstrliginiń «Mádenıet salasynyń úzdigi» tósbelgisimen marapattaldy.