Jıynǵa Shymkent qalasynyń ákimi, qalalyq QHA tóraǵasy Ǵabıdolla Ábdirahymov, Shymkent qalasy máslıhatynyń hatshysy Ǵanı Tashqaraev, Shymkent qalalyq Qazaqstan halqy Assambleıasy tóraǵasynyń orynbasary Muratáli Qalmuratov, sondaı-aq basqarma basshylary,qalalyq assambleıa janyndaǵy qurylymdardyń jetekshileri, etnomádenı birlestikterdiń, dinı konfessııalardyń, saıası partııalar men ÚEU músheleri, zııaly qaýym ókilderi, jalpy 1000-ǵa jýyq adam qatysty.
29 sáýirde Nur-Sultan qalasynda QHA-nyń XXVII sessııasynda ult bolyp uıysý arqyly alǵa qadam basýdyń naqty baǵyt-baǵdary aıqyndalǵan edi. О́ńirlik sessııada respýblıkalyq májiliste aıtylǵan oı-pikirler taǵy bir saralanyp, ony iske asyrýdyń joldary naqtylandy.
Sessııada qala ákimi Ǵ.Ábdirahymov qalalyq assambleıanyń alǵashqy sessııasynyń ashylýymen quttyqtap, eldegi beıbitshilik pen tatýlyqty ornyqtyrýdaǵy QHA-nyń mańyzdy róli men berekeli birligimizdi nyǵaıtýda alǵa qoıyp otyrǵan mindetterge toqtaldy. Sonymen qatar, tıisti mekemeler men uıymdarǵa birqatar naqty tapsyrmalar berdi.
«Assambleıa elimizde beıbitshilik pen tatýlyqty ornyqtyrýda bitimi bólek ınstıtýt bolyp qalyptasty. Shymkent 100-den astam etnos ókilderin baýyryna basqan iri megapolıs qalaǵa aınaldy. Qaladaǵy 15 etnomádenı birlestikter qoǵamdaǵy san qyrly máselelerge ún qatyp, beıbitshilik pen tatýlyqtyń ornaýyna úles qosyp keledi. Qalalyq QHA sońǵy 5 aıdyń ishinde keshendi jumystar atqardy. Jetistikke jetýimiz úshin qazir bizge birlik, sabyr, bir-birimizge degen senimdilik kerek. Assambleıa qoǵamdyq kelisimdi nyǵaıtý maqsatynda da aýqymdy ister atqarýda. Atap aıtar bolsaq, «Sarqyt», «Sybaǵa», «Shashý», «Asar» syndy qaıyrymdylyq sharalaryn joǵary deńgeıde ótkizdi. Medıasııa kabınetiniń jáne qaladaǵy medıatorlardyń yqpalymen týyndaǵan 146 daýǵa núkte qoıylyp, taraptar kelisimge keldi. «Mektep medıasııasy» jobasy aıasynda 157 pedagog-psıhologqa medıasııanyń negizi úıretildi. Assambleıanyń «Qazaqtaný» jobasy aıasynda ótken bıylǵy «Naýryz kerýeni» jobasy jurtshylyq tarapynan jaǵymdy qabyldandy», dedi qala ákimi.
Sondaı-aq, jıynda uıǵyr etnomádenı birlestiginiń múshesi Danııar Sasykov, Á.Qýatbekov atyndaǵy HDÝ stýdenti Azız Abdývahı, Shymkent qalalyq ázerbaıjan etnomádenı birlestigi tóraǵasynyń orynbasary Arzý Gýrbanova, jas kásipker, ózbek etnomádenı birlestiginiń múshesi Danııar Mamırhanov óz jetistikterimen bólisti.
Sessııa sońynda «Birligi jarasqan berekeli Shymkent» taqyrybyndaǵy beınefılm men qalalyq etnomádenı birlestikterdiń qatysýymen daıyndalǵan konserttik qoıylym kórsetildi.