Tamaq qaldyqtary jáne turaqty damý jónindegi halyqaralyq sarapshy Stıven Fınn: «Tutyný daǵdarysy týraly aıtqanda, óndiristi aıtpaı kete almaımyz. Búgin álemde 800 mıllıon adam ashtyqta ómir súredi. Kóp jerde sý tapshylyǵy baıqalýda. Mysal retinde aıtar bolsaq, osydan 70 jyl buryn AQSh tamaqty únemdeýge asa jaýapkershilikpen qaraıtyn. Qazir múlde olaı emes, jappaı ysyrapshyldyqqa jol berildi. Jelinbegen taǵamdar qaldyqqa tastalady. Bul ekologııaǵa da keri yqpalyn tıgizýde. Energetıka daǵdarysy men azyq-túlik tapshylyǵyn bir-birinen bólip qaraýǵa bolmaıtyn máseleler. Biz tutynýdy ózgertý úshin tosyn qadamdarǵa barýymyz kerek. Resmı derek boıynsha shekten tys tamaqtaný álem jurtshylyǵynyń ómir súrý uzaqtyǵyn aıtarlyqtaı qysqartyp otyr. Energııany shekten tys qoldaný da dál osyndaı qaıshylyqtarǵa ákelip soqtyrady. Báriniń óz teńgerimi bolýy tıis»,-deıdi.
Al Paragvaılyq jýrnalıst Hasmın Akýnııa, álemniń túkpir-túkpirinde oryn alyp jatqan kúrdeli jaǵdaılardy halyqaralyq qaýymdastyqqa jetkizýde aqparat quraldarynyń ústemdigi joǵary ekenin aıtady.
«Paragvaıdaǵy taǵam daǵdarysy búgin asa kúrdeli máseleniń biri. Bul problemany búkil aqparattyq keńistikke shyǵarý biz úshin ońaı bolǵan joq. Kedeılikti joıý, balalardyń bilim alýyna tolyqqandy jaǵdaı jasaý, basty másele», – deıdi sheteldik jýrnalıst.