- Daryndy jas elimizdiń bolashaǵy, baǵa jetpes qazynasy,-dedi №3 mektep dırektorynyń oqý-tárbıe isi jónindegi orynbasary Aıgúl Sembaeva,-mektebimizdiń Altyn qory-oqý ozattary. Bıylǵy oqý jylyn 121 oqý ozaty aıaqtap, óz bilimderin, ustazdarynyń biliktilikterin dáleldep otyr.
Oqýshylardyń ǵylymı-zertteý, sport salasynan jáne pándik olımpıadadan da jetistikke jetkendigin osy festıval barysynan kórýge bolady. Respýblıkalyq, halyqaralyq jobalarǵa qatysqandar qatary tipten kóp.
Jaqynda osy №3 mektepte bolǵan qurmetti qonaq, Qazaqstandaǵy Japonııanyń tótenshe jáne ókiletti elshisi Tasýhıko Kasaı myrza bastaýysh synyp oqýshylary jasaǵan kórmeni tamashalaǵan edi. Oqýshylar ózderiniń ustazdarymen birge jasaǵan qolóner eńbekterin kórsetti. Solardyń biri 3 «G» synybynyń oqýshysy Adelııa Ádiletqyzy men ustazy Lázzat Ospanova. Tasýhıko Kasaı myrza Adelııanyń eńbegi baǵalap, kishkentaı qolyn qysyp, bolashaǵyna zor tabys tiledi. Ustazy Lázzat Ospanovanyń aıtýynsha, mozaıka jasaý, túrli qolóner buıymdarymen aınalysý Adelııanyń sabaqtan tys aınalysatyn súıikti isi eken. Búgingi «Daryndylar festvıvalinde» kózge túsken taǵy bir oqýshy Adına Qusaıynova «Veselye notkı» mýzykalyq ansambiliniń quramynda óner kórsetip, kompozıtor Temirjan Bazarbaev atyndaǵy I oblystyq festvalde 1-inshi oryn alǵany jáne basqa da mýzyka salasynda kórsetken jetistikteri úshin marapattaldy.
-Shákirtterimizge oqýmen qatar tárbıe berý arqyly adam balasynynyń bolashaq taǵdyry belgili bolatyndyǵy ras,-dedi mektep dırektorynyń oqý isi jónindegi orynbasary Almagúl Qurmasheva,-bizdiń bastaýysh synyptan balanyń bilimdi bolyp joǵary synypqa ótýi bolashaqta memlekettiń tiregi, qamqorshysy bolatyndyǵyn dáleldeıdi. Biz urpaq tárbıesi barlyq ult úshin, halyq úshin asa mańyzdy dep oılaımyz.
«Daryndylar festıvaline» qatysqan ata-analar da, balalar da rıza bolyp qaldy. Barlyǵy mektep ujymyna rahmetterin aıtyp, keler jyly da osyndaı ónerde, bilimde, sportta tabysqa jetken balalardy marapattaý dástúri jalǵasa berse degen ıgi tilekterin jetkizdi.
Raýshan NUǴMANBEKOVA,
«Egemen Qazaqstan»
SEMEI