Aýmaqtyq saılaý komıssııalarynyń 33 múshesi arnaıy oqý trenıngterinen ótip, 82 adam arnaıy semınarlarda bilimderin jetildirgen. Múmkindigi shekteýli jandar úshin birinshi qabatta ornalasqan saılaý ýchaskeleri pandýspen jabdyqtalǵan. Jabyq túrdegi áskerı jáne medısınalyq uıymdar úshin 12 saılaý ýchaskesi qyzmet kórsetedi. Norvegııa men Italııadan kelgen baqylaýshylar iske kirisip ketken.
* * *
«Amanat» azamattyq platformasy respýblıkalyq shtabynyń músheleri uıymdastyrýǵa trenıngte saılaýshylar men baıqaýshylardyń quqyqtary jan-jaqty túsindirildi. Biz prezıdenttik saılaýǵa monıtorıng júrgizip, bes baǵyt boıynsha taldaý jasap, qadaǵalap otyramyz. Teńdik, sanaly tańdaý, ádildik, kelisim jáne senim qaǵıdattary negizinde jumys isteımiz. Halyqaralyq, jergilikti táýelsiz uıymdarmen jaqsy baılanys ornatylǵan, degen «Amanat» azamattyq platformasy jetekshisiniń orynbasary Shyńǵys Lepsibaev barlyq óńirlerde 10 myńǵa jýyq baıqaýshy daıyndaýǵa belsene qatysyp, túrli trenıng-semınarlar uıymdastyrylyp jatqanyn, ondaǵy basty maqsat saılaý barysynda azamattardyń quqyqtary buzylmaýyn retteý bolyp tabylatynyn áńgimeledi.
Platformanyń jergilikti ókili Janat Muhamedjanov irikteýden 22 adamnyń ótkenin, oqytý, túsindirý sharalary tolastamaıtynyn, trenıngke qatysýshylardyń saıası biliktiligin kóterýdiń barlyq múmkindikteri qarastyrylatyn alǵa tartty.
Soltústik Qazaqstan oblysy