- Almaty – bıznestiń, ǵylym men mádenıettiń ordasy. Saılaýshylardyń úshten biri jastar. Sol sebepti, osy salalardaǵy toptarmen jumys isteýge basymdyq berilýde. Jastardyń zamanaýı bilim alýyna, jataqhanalar men turǵyn úılerdiń salynýyna, jańadan jumys oryndarynyń kóptep ashylýyna erekshe nazar aýdararamyz, -dedi Rahman Alshanov.
Onyń aıtýy boıynsha, elimizge tanymal azamattardan qurylǵan Qoǵamdyq shtabtyń 170 múshesi, 1,5 myńdaı senimdi ókilder men jas belsendiler eki apta ishinde eńbek ujymdarynda 200-deı is-shara uıymdastyrdy. Oǵan ár salanyń 40 myńdaı ókilderi qatysty.
Qoǵamdyq qabyldaý bólimderinde 500-ge jýyq azamattar qabyldandy. Qabyldaý barysynda Kandıdattyń saılaýaldy tuǵyrnamasy tanystyrylyp, azamattar tarapynan aıtylǵan tilekter jınaqtaldy. Bul shara halyqpen keri baılanysty qamtamasyz etedi.
«Esikten esikke» aksııasy aıasynda shtab músheleri 30 myńdaı otbasymen kezdesip, túrli saladaǵy azamattardyń usynystaryn jınaqtady. Almatylyqtar tarapynan berilgen 16 myńdaı usynystyń kópshiligi Kandıdattyń saıtyna joldandy.
Qasym-Jomart Toqaevtyń bastamasymen elimizde ótip jatqan «BIRGE» jalpyulttyq aksııasy keńinen qoldaý tabýda. Osy aksııa aıasynda 1 400 belsendi turǵyndarmen betpe-bet júzdesip, 20 myńnan asa úgittik paraqshalar taratty. Magıstraldi kósheler boıyna bılbordtar men 220 myńdaı úgit-nasıhat materıaldary ornalastyryldy.
- 160 myńdaı úgit-nasıhat materıaldaryn taratqan sátterde, almatylyqtar Qasym-Jomart Toqaevty jaqsy tanıtyndaryn jáne qoldaıtyndaryn bildirdi. Almaty qalalyq saılaýaldy shtaby Kandıdatymyz usynǵan Sabaqtastyq, Ádildik jáne О́rleý qaǵıdalaryn basshylyqqa ala otyryp, óz jumysyn jalǵastyra beretin bolady. Basty maqsatymyz - Kandıdatymyzdyń aldaǵy saılaýda tolyqtaı jeńiske jetýin qamtamasyz etý, - dep qorytyndylady sózin Rahman Alshanov.
Saparbaı PARMANQUL,
«Egemen Qazaqstan»
ALMATY