Qazirgi tańda keshen Shymkent qalasynyń sý qubyrlary jelileri jóndeýden ótken kóshelerinde arnaıy keste boıynsha jumys isteýde.
«Keshende 3 adam qyzmet etedi. Onyń ishine ornatý operatorynyń fýnksııalaryn atqaratyn júrgizýshi de kiredi. Jumysqa kirispes buryn zaqymdalǵan ýchaskeler abaılap túzeledi. Sodan keıin arnaıy qondyrǵymen taptalyp, asfalt tóseledi. Asfaltter temperatýrasyn ustap turatyn syıymdylyǵy 4 tonna arnaıy býnkerde saqtalady. Shuńqyrǵa tógilip, aldymen onyń beti qolmen tegisteledi. Sońynan bir jumysshy mehanıkalyq tegistegishpen (katok) nyǵyzdaıdy», deıdi sala jaýaptylary.
Aıta keterligi, «Bastıon» jumysyn ortalyq dıspetcherlik qyzmet basqarady. Keshen kúnine 4-5 oryndaǵy shuńqyrlardy joıýǵa múmkindik beredi. 50 sharshy metrge deıin jol betin qalpyna keltirý úshin brıgada shamamen bir saǵat ýaqyt qajet etpek.