21 mamyr kúni Kókpekti aýdanynyń Úlgilimalshy aýylynda qatty daýyldan elektr baǵanalary qulap, turǵyndar jaryqsyz qalǵan-dy. Osy aýdandaǵy meteostansııanyń málimeti boıynsha 21 mamyrda Kókpektide jel sekýndyna sekýndyna 18 metr jyldamdyqpen soǵypty. Aýdan ákiminiń orynbasary Marat Temirjanovtyń aıtýynsha, 21 mamyr kúni Úlgilimalshy aýylyndaǵy 12 kósheniń 9 kóshesinde jaryq bolmapty. «Qalǵan úsh kóshede jaryq sóngen joq. Qatty daýyl Úlgimalshy aýylyndaǵy 4 elektr baǵanasyn qulatty. Sol kúni Kókpekti aýmaqtyq elektr jelisiniń jedel áreket etý brıgadasy jumys istep, keshki saǵat 18:00-de elektr jelisinen aıyrylǵan 95 abonenttiń 60-yna jaryq qosyldy. 22 mamyrda Úlgilimalshy aýylynda kúndizgi 12:00-den keshki 18:00-ge deıin jaryq bolǵan joq. Sebebi, osy ýaqyt aralyǵynda aýmaqtyq elektr jelisiniń 4 áreket etý brıgadalarynyń quramynda 18 maman qulaǵan elektr baǵanalaryn ornyna qoıyp, qalpyna keltirý jumystarymen shuǵyldandy. Eki táýlik ishinde daýyl saldary joıyldy. Aýyl turǵyndary jaryqpen qamtamasyz etildi» deıdi ol.
Shyǵys Qazaqstan oblysy,
Kókpekti aýdany