Búgin kenshiler astanasyndaǵy ortalyq mádenıet jáne demalys saıabaǵynda qaıǵyly oqıǵa oryn aldy dep habarlady Qaraǵandy oblystyq polısııa departamentiniń baspasóz qyzmeti.
Qatty jel balalardyń oınaýyna arnalǵan úrlenbeli batýtty tóńkerip tastap, sonyń saldarynan 11 jasar bala oqıǵa bolǵan jerde kóz jumdy. Taǵy da eki bala túrli jaraqattarmen aýrýhanaǵa túsken.
Osy oqıǵa boıynsha QR QK 306-babynyń 3-tarmaǵy boıynsha (Adam ólimine ákep soqqan, qaýipsizdik talaptaryna saı kelmeıtin qyzmet kórsetý) qylmystyq is qozǵaldy.
Qajetti saraptamalar taǵaıyndalyp, atalǵan nysandy paıdalaný jónindegi qujattamany alý jumystary júrgizilýde.
Qaraǵandy oblysy