Joǵary laýazymdy qyzmetker bergen túsiniktemege saı, ol tort kesip jatqanda qoly taıyp ketip, keýdesiniń sol jaq tusyn pyshaqpen jaraqattap alǵan eken. Tártip saqshylarynyń aıtýynsha, oblys ákiminiń orynbasary eshkimge kiná artpaǵan, qandaı da bir aryz-shaǵym jazýdan bas tartqan.
Atalǵan oqıǵa týraly A.Aıdarovtyń ózi feısbýk jelisindegi paraqshasynda mynadaı jazba qaldyrdy:
«Dostar, meniń densaýlyǵym týraly aqparatqa baılanysty kóptegen qońyraý túsip jatyr. Ýaıymdaǵandaryńyzǵa rahmet! Mende bári jaqsy – kádimgi úıdegi jaraqat. Keshke qaraı baıqamaı kesip aldym, túnde qanaı bergen soń, tań atqanyn kútpesten jedel járdem shaqyrýǵa týra keldi».
Oblys ákiminiń baspasóz qyzmeti de Aıdarovtyń jaǵdaıyna alańdaýǵa eshqandaı negiz joq ekenin habarlady.
«Ákimniń orynbasary ózin jaqsy sezinedi. Tolyqtaı saý. Erteń barlyq qazaqstandyqtar sııaqty kúndelikti rejimde jumysqa shyǵady» dep atap ótti ákimdiktegiler.
35 jastaǵy Almas Aıdarov 2017 jyldyń 28 maýsymynan bastap Qaraǵandy oblysy ákiminiń ónerkásip, shaǵyn jáne orta bıznesti damytý, ındýstrııalandyrý jáne ınvestısııa jónindegi orynbasary qyzmetin atqaryp keledi.
Qaraǵandy oblysy