Qystaýbaevtar áýletiniń otaǵasy Ábdijappar aýdandaǵy «Birlik» aksıonerlik qoǵamyn basqarady. Eldi eńbekke úndep, turǵyndardy jumyspen qamtyp otyrǵan ol óńirdegi belgili mesenattardyń biri. Ábdijappar myrza shetelden oralǵan qandastyrǵa qamqorlyq tanytyp keledi. Búginde Monǵolııa jáne Qaraqalpaqstannan oralǵan ondaǵan otbasylardyń «Birlik» aksıonerlik qoǵamy basshysyna aıtar alǵysy sheksiz. Ul-qyzyna ulaǵatty tárıe berip otyrǵan áke aýyl sharýashylyǵyn damytýdy ǵylymmen ushtastyryp otyr eken. Qazaq ulttyq agrarlyq ýnıversıtetiniń Qurmetti professory retinde egin, mal sharýashylyǵynyń ónimdi bolýyna eńbek sińirip keledi. Eńbegi elenip, «Qurmet» ordenimen marapattalǵan.
Al Aqbasovtar áýletin Kerbulaq aýdanynyń turǵyndary erekshe qurmet tutaty. Otaǵasy Baıasyl óńirge qoly ashyq, qaıyrymdy jan retinde tanymal. Ol kópbalaly jáne turmysy tómen otbasylarǵa únemi qolushyn sozyp júr. Aqbasovtardyń qaıyrymdylyqqa jumsaǵan qarjysy jyl saıyn 4,5 mln teńge shamasynda eken. Bıyl eki kópbalyl otbasyna jeke úı satyp alyp bergen eken. Ásirese, balalardy qýantýǵa asyq azamat sońǵy 2 jyl boıyna «Qýansa, bala qýansyn» sharasyna demeýshilk jasap, 1 mln 800 myń teńge bólipti. Eńbegi elenip, «Kerbulaq aýdanynyń qurmetti azamaty» atanyp, Qazaqstan halqy Assambleıasynyń «Altyn júrek» medalin ıelengen.
- Otbasy - bereke-birliktiń qaınar kózi. Aǵaıynnyń tatýlyǵy – eldiń berekesi ekeni belgili. Úıelmeli-súıelmeli bala-shaǵany bir shańyraqta ósirip, erjetkizip otyrǵan ata-ananyń eńbegi eren. Olar bir-birine baýyrmal bolyp keledi. Keń-baıtaq jerimizge ıe bolatyn ulaǵatty urpaq ósirý – bárimizge mindet. Endeshe, «Mereıli otbasy» baıqaýynyń tárbıelik máni zor. Elimizde mereıli otbasylar sany arta bersin, - deıdi Almaty oblysy ákiminiń orynbasary Aqan Ábdýálıev «Mereıli otbasy» baıqaýynyń mańyzy jaıynda.
Almaty oblysy