Saılaýshylar tilegi eskeriledi

«Aq jol» demokratııalyq partııasynan prezıdentikke kandıdat Danııa Espaeva Shym­kent qalasynyń halqymen kez­desti. Is-sharaǵa saılaýaldy shtab músheleri, Parlament Má­ji­lisi depýtattary jáne aı­maq­tyq shtab belsendileri qa­tys­ty. Kandıdatpen kezdesýge jergilikti kásipkerler, muǵa­limder, dárigerler men stýdentter keldi. Sondaı-aq kóp balaly analar da sol mańnan tabyldy.

Prezıdenttikten úmitker jı­nal­ǵan qaýymǵa óziniń saılaýaldy baǵdarlamasyn tanystyrdy. Saılaýshylar tarapynan negizinen jastardy jumyspen qamtamasyz etý, bilim berý sapasy jáne zeınet jasynyń ul­ǵaıýy sııaqty áleýmettik suraq­tar qoıyldy. «Men barǵan kez­desýlerdiń barlyǵynda derlik áıelder zeınet jasyn ulǵaıtpaý týraly ótinishterin bildiredi. Bul másele aýyl turǵyndary bolsyn, qala turǵyndary bolsyn – bárin mazalap júr. Jalpy, áleýmettik máseleler sheshimin tabýy úshin el ekonomıkasyn jaqsartý kerek. Al ol úshin kásipkerlikti damytýdy myqtap qolǵa alý qajet. Bul meniń saılaýaldy baǵdarlamamda egjeı-tegjeıli baıandalǵan», dedi D.Espaeva.

Sonymen qatar Shymkent qalasynyń iri toqyma fabrı­kasy­nyń qyzmetkerleri de óz­derin qandaı másele mazalaıtynyn jetkizdi. Olardyń aıtýynsha, kásiporynnyń jumys istemeı jatqanyna 3 jyldaı ýaqyt bolǵandyqtan, myńdaǵan adam, onyń kóbi áıelder qaýymy jumyssyz qalǵan. D.Espaeva oryn alǵan jaǵdaıdy retteýdi qaperinde ustap, sheshilýine úles qosatynyn aıtty.

Kandıdat budan bir kún buryn Kókshetaý qalasynda «Qazaqstandyq Agro Innovasııa­lyq Korporasııa» JShS ujymy­men kezdesti. Bul ınvestısııalyq joba 2016 jyly bastalyp, oǵan memleket nól paıyzdyq mól­sher­lemesindegi qosymsha qun saly­ǵyn engizý arqyly qoldaý kórsetti. D.Espaeva saılaýaldy baǵdarlamasynda kásipkerlikti yntalandyrýǵa arnalǵan negiz­gi baǵyttardyń ishinde osy qo­sym­sha qun salyǵyn tómendetý bar ekenin aıtty.

* * *

«Aýyl» halyqtyq-demokra­tııa­lyq patrıottyq partııasy usyn­­ǵan kandıdat Tóleýtaı Raqym­­bekov saılaýshylarymen birge úgit-nasıhat jumys­tary­nyń aıasynda Nur-Sultan qalasynda ótken velomarafonǵa qatysty. Sport sharasyna 300-ge jýyq adam qoldaý kórsetip, velosıpedpen 20 shaqyrymnan asa qashyqtyqty eńserdi.

Prezıdenttikten úmitker úne­mi salamatty ómir saltyn nası­hattap, sportpen turaqty shuǵyl­daný kerektigin, ásirese jas tol­qynnyń osy baǵytta belsendi bolǵany mańyzdy ekenin aıtty. Elordadaǵy Botanıkalyq baqta ótken is-sharada T.Raqymbekov bastaǵan áýesqoı veloshabandozdar birshama shaqyrymdy artqa tastady. Jarysqa saıabaq tóńireginde ornalasqan úılerdiń turǵyndary da qyzyǵýshy­­lyq tanytyp, qatarǵa qosyl­dy. Nur-Sultan qalasyndaǵy qoǵamdyq shtab ókilderi velomarafondy tamashalaýǵa kelgen turǵyndarǵa úgit-nasıhat materıaldaryn taratyp, qoldaýǵa shaqyrdy. Velomarafonǵa qa­tysý­­shylardyń basym bóligi jastar bolǵandyqtan, kandı­dat óziniń saılaýaldy baǵdar­lama­syndaǵy jastar saıasatynyń tıimdi modeli týraly keńinen aıtyp berdi.

Respýblıkalyq qoǵamdyq shtab tóraǵasynyń orynbasary Qýanysh Seıtjanov partııanyń úgit-nasıhat jumystary jospar­ǵa saı júrip jatqanyn, birinshi aptaǵa qaraǵanda, qarqyny kún­nen-kúnge kúsheıgenin aıtty. Jalpy, T.Raqymbekovtiń saılaý­aldy shtaby osy kúnge deıin 300-ge tarta is-shara ótkizdi. Onyń ishinde kandıdattyń ózi Orta­lyq, Soltústik jáne Shyǵys Qazaqstan aımaqtarynda jurt­shy­lyqpen kezdesip, ózekti degen máselelerdi talqylady. So­ny­men qatar úgit-nasıhat naý­­qany aıasynda Qyzylorda, Túrkistan, Qaraǵandy, Semeı, Tal­dy­qor­ǵan jáne Petropavl óńir­lerin­de T.Raqymbekovti qolda­ýǵa ar­nalǵan sharalar uıymd­as­tyryldy. Al onyń senim bildi­ril­gen adamdary aýyl-aýyldy aralap, jergilikti tur­ǵyn­darǵa saılaýaldy baǵdarlamany tanys­tyryp júr.

* * *

Qazaqstan Kásipodaqtar federasııasynan prezıdenttikke kandıdat Amangeldi Taspıhov senim bildirilgen ókilderimen jáne astanalyq kásipodaq bel­sen­dilerimen beıresmı kez­desý ótkizdi. Nur-Sultan qalasy kásip­odaqtar ortalyǵy uıymdas­tyr­ǵan kezdesýge 100-ge jýyq adam qatysty. Olardyń arasyn­da belgili ánshi-kompozıtor Marat Ilııasov, kıkboksıngten Qazaq­stan Respýblıkasynyń eńbek sińir­gen jattyqtyrýshylary San­syz­baı Ibraev pen Talıp Fahrýt­dınov, belgili sport jýr­nalısi, qazaqstandyq sport baspasóz qaýymdastyǵynyń vıse-prezıdenti Nurǵazy Sasaev jáne taǵy basqa zııaly qaýym ókilderi boldy.

Aldymen kandıdattyń res­pýb­lıkalyq qoǵamdyq shtaby­nyń jetekshisi, Kásipodaqtar federasııasynyń tóraǵasy Ba­qytjan Ábdiraıym saılaý naýqanynda atqarylyp jatqan mańyzdy jumystarǵa toqtalyp, jınalǵan qaýymǵa Úkimet qaý­lysyna sáıkes merekelik kún­derdiń tizbesi Qazaqstan kásiptik odaqtary kúnimen tolyǵyp, jańa meıram 10 qazanda atalyp ótetinin málimdedi.

Al A.Taspıhov óziniń saılaý­aldy baǵdarlamasynyń basty baǵyttaryn aıta kele, elimizdiń óńirlerinde saılaýshylarmen kezdesý barysyn, aýyldyq jer­ler­degi áleýmettik sala qyzmet­k­erleriniń memleket tarapynan beriletin jeńildikterdi ala almaı otyrǵandyǵyn, soǵan oraı Úkimetke eńbek zańnamasyna ózge­rister engizýge úndeý jolda­ǵanyn aıtty. Kandıdat senim bildirilgen adamdaryna alǵys bildirip, qoıylǵan saýaldarǵa jaýap berdi.

Budan bir kún buryn kandı­dattyń Aqmola oblysynyń Ar­shaly aýdanynda aýyl sharýa­shylyǵy, densaýlyq saqtaý, má­denıet jáne kásipkerlik sala­synyń kásipodaq músheleri senim bildirilgen adamdarymen kezdesýi ótti. Basqosýda A.Tas­pıhov eńbek adamynyń muń-muqtajy kórsetilgen saılaýaldy baǵdarlamasy aıasynda birqatar baǵyttardy sóz etti. Máselen, zeınetaqy deńgeıi, eńbek zańnamasyna ózgerister engizý qajettiligi sııaqty ózekti máseleler aıtyldy. * * *

Qazaqstan Kommýnıstik halyq partııasynan prezıdenttikke kandıdat Jambyl Ahmetbekovtiń senim bildirilgen adamdaryna Taraz qalasynda oblystyq drama teatrda belsendi jastarmen jáne «Qazaqstan Kommýnıstik jastar odaǵynyń» ókilderimen kezdesti. Jıynǵa partııanyń Jambyl oblystyq komıtetiniń birinshi hatshysy Jarylqasyn Nuralıev pen «Halyq kommýnısteri» fraksııasynyń depýtaty Irına Smırnova qatysty.

Jambyl oblystyq saılaýaldy shtaby jastardyń zamanaýı bilimniń tasymaldaýshy­lary ekenin, basqa qoǵam músheleri­ne qaraǵanda, ózgeristerge da­ıyn­­dyq­tary men umtylystary edáýir joǵary ekenin erekshe atap ótti. J.Ahmetbekovtiń saılaýal­dy baǵdarlamasyn tanys­tyrý barysynda J.Nuralıev jastar­dyń ustanymdary men moraldyq tárbıesi taqyrybyn tilge tıek etti. Ol memleket balalardy áleý­mettik jeliler kontentiniń keri áserinen qorǵaýy tıis ekenin, sonymen qatar kórkem ádebıet, ulttyq jáne álemdik klassıkanyń úzdik shyǵarmalaryn oqytýdy nasıhattaýǵa erekshe nazar aýdarý kerektigin aıtty.

Al Almaty qalalyq saılaý­aldy shtabynyń ókilderi men belsendileri Vladımır Lenınniń eskert­kishi ornalasqan saıabaq aýma­ǵynda tazalaý jumystaryn júr­gizip, aǵashtardy áktedi. Taza­­laý jumystary barysynda bel­sendiler úmitker J.Ahmetbekov­tiń saılaýaldy tuǵyrnamasyn taldap, batystyń keri yqpaly men jalǵan qundylyqtarynan bas tartý kerektigine toqtaldy.

Sonymen qatar Nur-Sultan qalasynyń ortalyq parkin­de «Bolashaq bizden bastalady» atty aýqymdy aksııa ótti. Is-shara sheńberinde salamatty ómir saltyn nasıhattaǵan mara­fon uıymdastyrylyp, oǵan qoǵam­dyq shtab ókilderi men partııa us­tanymyn jaqtaıtyn qala tur­ǵyndary qatysty. Buǵan qosa júzden asa adam sap túzep, bir mezette jattyǵý jasady. Jınalǵandar «QKHP-ǵa daýys ber!», «Adal eńbek qoǵam múddesi úshin!» dep urandatty.

* * * Nur Otan partııasynan pre­zıdenttikke kandıdat Qasym-Jomart Toqaevtyń respýb­lıkalyq qoǵamdyq shtab múshe­leri Túrkistan oblysynda boldy. Sapar barysynda shtab bas­shysy Máýlen Áshimbaev bas­taǵan top Túrkistanda salynyp jatqan ákimshilik-iskerlik o­r­talyǵynyń qurylysymen ta­n­ysyp, jumysshylarmen áńgi­melesti. Sondaı-aq ardagerler alleıa­synda zııaly qaýym ókil­deri­men bolǵan kezdesý de ashyq áńgime formatynda ótti. Shtab músheleri kandıdattyń saılaýaldy baǵdarlamasynyń basymdyqtaryna Kentaý trans­for­mator zaýytynyń jumy­s­shy­lary­men kezdesýde keńi­nen toqtaldy. Jalpy, kezdesýlerde sabaqtastyq, ádildik, órleý qaǵı­dalaryna negizdelgen baǵdar­la­mada halyqtyń ál-aýqatyn art­­tyrý, jumys isteıtin azamat­tar­ǵa laıyqty eńbekaqy tóleý, áleý­mettik qyzmet túrleri­niń sapasyn jaqsartý sııaqty basym baǵyttar naqty kórsetilgeni aıtyldy. Oblys aktıvimen kezdesýden soń shtab músheleri A.Iаsaýı atyndaǵy HQTÝ-de oqytýshy-profes­sorlyq qurammen, stý­denttik uıymdardyń jetek­shi­lerimen, sondaı-aq partııa­nyń «Aýyl – el besigi» jobasy aıasynda «Dıplommen – aýyl­ǵa!» baǵdarlamasyna qatysý­shy­larmen kezdesti. Kandıdat­tyń baǵdarlamasynda jastar máselesine de erekshe mán beril­gen. Shtab basshysy M.Áshimbaev jas urpaqtyń sapaly bilim alyp, básekege qabiletti maman bolyp qalyptasýy, turaqty jumysqa ornalasyp, turǵyn úımen qamta­masyz etilýi Q.Toqaevtyń bas­ty nazarynda ekenin atap ótti. Aýyl turǵyndaryna jaǵdaı jasaý kandıdattyń negizgi basym­dyq­tarynyń biri. Osy sala­da­ǵy kásipkerlerge qoldaý kórse­tý, olardyń ónimderin ótkizýge jaǵ­daı jasaý tetikteri jan-jaq­ty qarastyrylǵan. Sondaı-aq M.Áshimbaev baǵdarlamada El­basynyń agroónerkásiptik keshen­di sýbsıdııalaý isin jal­­ǵas­­tyrý máselesi de kór­se­til­genin jetkiz­di. Kezdesýge qaty­sý­­shy­lardy saılaýǵa qaty­syp, óz tańdaýlaryn jasaýǵa shaqyrdy. * * *

«Ult taǵdyry» ulttyq-pat­rıottyq qozǵalysy atynan pre­zı­denttikke kandıdat retinde tir­kelgen Ámirjan Qosanovtyń óńir­­lerdegi saılaýaldy shtaby­nyń ókilderi shalǵaıdaǵy eldi meken­derde úgit-nasıhat ju­mys­taryn qyzý júrgize bastady. Atap aıtqanda, Aqtóbe obly­synd­aǵy Shalqar aýdanynda jáne Qyzyl­orda oblysyndaǵy Sekseýil kentinde is-sharalar uıym­das­tyrylyp, kandıdattyń saı­laýa­ldy tuǵyrnamasy naqty­raq talqylandy. Qoǵamdyq shtab­tar aýyl turǵyndaryna Á.Qo­sanovtyń ómir jolyn, usta­ny­myn jetkizdi. Buǵan qosa jergi­likti turǵyndardy 9 maýsym kúni ótetin prezıdenttik saılaýdan qalys qalmaı, el bolashaǵy úshin daýys berýge shaqyrdy. Al saılaýshylar kandıdat týraly oń kózqarasta ekenderin bildirip, qoldaý kórsetetinderin jetkizdi.

Sonymen qatar oblys or­talyq­tary men úlken qalalar­da Á.Qosanovtyń kandıdatýrasyn qoldaýǵa úgittegen naýqan­dyq is-sharalar jalǵasyn taýyp jatyr. Sonyń biri prezıdent­tik­ten úmitkerdiń saılaýaldy shtabynyń ókilderi bel­sen­di jas­tarmen birge Almaty qalasyn­daǵy Abaı-Altyn­sarın kósheleri aýdanynda aksııa ótkizdi. Is-shara barysynda saılaýshylarmen suhbat júrgizilip, naýqandyq pa­raqshalar taratyldy, kandıdat ustanymynyń negizgi baǵyttary túsindirildi. Ári-beri ótken jurt qyzyǵýshylyq tanytyp, kandıdatty jan-jaqty bilgisi kelip, suraqtaryn qoıdy jáne baǵdarlamasyn áli de keńeıte túsý úshin usynystaryn joldady.

Sondaı-aq áleýmettik jeli­ler­de ár óńirdiń turǵyndary, ár sa­lanyń eńbek ujymdary Á.Qo­sanovty qoldaıtyndaryn jetkizip, túrli plakattar kóterip, úndeý tastap jatyr. Mundaı saılaýshylarǵa kandıdattyń ózi rızashylyǵyn bildirip, jaǵymdy habarlardy óz paraqshasynda bólisýde. Buǵan qosa Á.Qosanov Facebook, Youtube, Instagram je­li­lerinde tikeleı efırge shy­ǵyp, óziniń kandıdatýrasyna qatysty qoǵamda týǵan saýaldarǵa keńinen jaýap berdi.

* * *

«Uly dala qyrandary» res­pýb­lıkalyq qozǵalysynan pre­zı­denttikke kandıdat Sádi­bek Túgeldiń saılaýaldy qoǵam­dyq shtaby úgit-nasıhat jumys­tary­nyń aıasynda Aqmola oblysynda qolónerden sheberlik sabaǵyn ótkizdi. Bul is-sharanyń maqsaty – atadan balaǵa, urpaqtan-urpaq­qa jal­ǵasyp kele jatqan asyl qa­zy­­namyz – qolónerimizdi damytý.

«Qazaq ulttyq mádenıetiniń eń baıyrǵy, asa qundy salalarynyń biri – qolóner. Sonyń ishinde oıý-órnekter – ásemdiktiń belgisi ǵana emes, halyqtyń arman-oıy­nyń, tilek-múddesiniń nyshany. Osy turǵydan alyp qara­ǵanda, oıý-órnektiń mazmun­dyq erekshelikteri san alýan. Búgingi sheberlik sabaǵy pre­zı­dent­tikten úmitker S.Tú­gel­diń baǵ­­dar­lamasynda qamtyl­ǵan ult­­tyq ónerdi, salt-dástúr­di da­mytý baǵyty aıasynda uıym­das­­ty­ryl­dy», dedi kandıdattyń saı­laýal­dy shtaby basshysynyń oryn­basary D.Oralbekuly.

Atalǵan sheberlik sabaǵyna qolónerge qyzyǵýshylyq tanytatyn jastar kelip qatysty. Talap­ty jastar sheber Erjan Kárim­hannyń qolóner buıym­daryn tamashalap, jasalý ádis-tásil­derin úırendi. «Qolóner – kórgen kóz­ge ádemi áser etetin ári tárbıe­­lik máni bar názik dúnıe. Bul – baǵzy zamannan kele jatqan qadir­li dástúrimiz. Men sol sebepten ulttyq qundylyqtardy ulyqtap júrgen S.Túgeldi qoldaý úshin osy sheberlik sabaǵyn ótkizip, jastarmen tájirıbemdi bólistim. О́zim jasaǵan buıymdar arqy­ly óskeleń urpaqqa ata-baba­myz­dyń tól ónerin nasıhattaǵym keldi», dedi aǵashtan túıin túıetin E.Kárimhan.

Is-sharaǵa qatysqan jastyń biri Samat Habdulmurat qoly altyn sheberden biraz dúnıe úırengenin, bul aldaǵy ýaqytta óz kásibin bastaýǵa kómegi tıetinin jetkizdi. Sondaı-aq jastar jaǵy bul sharada S.Túgeldiń saılaýaldy baǵdarlamasynda qamtylǵan mem­lekettik tildiń mártebe­sin kóterý, jemqorlyqpen kúres baǵyt­­taryna jan-jaqty qanyqty. Daıyndaǵandar

Orynbek О́TEMURAT,

Ǵalymjan ELShIBAI,

«Egemen Qazaqstan»