Halyqaralyq balalardy qorǵaý kúni qarsańynda QR Bilim jáne ǵylym mınıstrligi aǵymdaǵy jylǵy 15 mamyr men 15 maýsym aralyǵynda jalpy respýblıkalyq "Nurly bolashaq" aksııasyn jarııalady. Respýblıkada 1 maýsym - Halyqaralyq balalardy qorǵaý kúnine arnalǵan 600-den astam is-shara uıymdastyrylyp, onyń ishinde 154 qaıyrymdylyq sharasy ótkiziledi. Is-sharalarmen 2 mılıonnan astam bala qamtylady dep josparlanýda. Balalardyń jazǵy demalysyn jáne jumyspen qamtylýyn uıymdastyrý jónindegi vedomstvoaralyq áreket etý máselesin úılestirý úshin Premer-Mınıstrdiń О́kimi júzege asyrylady. Respýblıkanyń mektep janyndaǵy, shatyrly, qala syrtyndaǵy lagerlerde 2,1 mln bala, al 730 myńnan astamy ata-analarymen demalady. Jazataıym oqıǵalardyń aldyn alý jáne balalardyń qaýipsizdigin qamtamasyz etý maqsatynda 2017-2019 jyldarǵa arnalǵan balalardy júzýge úıretýdi uıymdastyrý jónindegi is-sharalar men 2019-2021 jyldarǵa arnalǵan balalarǵa qatysty zorlyq-zombylyqty jáne qatygezdikti aldyn alý boıynsha vedomstvoaralyq birlesken is-qımyl jospary iske asyrylýda.
Foto: azh.kz