AQSh elshisin qabyldady

Kezdesý barysynda ekijaqty ynty­maq­tastyqty, onyń ishinde par­lament­aralyq únqatysýdy tereńdetý máse­leleri talqylandy. Taraptar Qazaqstan Senaty men AQSh Kongresiniń apparat qyzmetkerleri arasyndaǵy baılanys­tardy odan ári damytý jaıynda aıtty.

Saýda-ekonomıkalyq, atap aıt­qanda, shıkizattyq emes sektordaǵy ynty­maq­tastyqtyń keleshegi talqylandy. О́tken jyly bizdiń elderimiz arasyndaǵy ta­ýar aınalymy 37 paıyzǵa ósip, 2,24 mlrd dollardy qurady. Bul rette Qazaq­­stannyń AQSh-qa eksporty 2,5 ese­ge ósti. «Biz osy jetistikterdi maqtan tuta­myz», dedi Ýılıam Mozer.

AQSh elshisi amerıkalyq kompanııalar et ónimderin EAEO jáne Qytaı naryǵyna eksporttaý jónindegi birlesken jobalarǵa múddeli ekenin atap ótti. Senat basshysy agroónerkásip sektorynda júrgizilgen reformalar, basqa da ózekti máseleler týraly aıtyp, amerıkalyq áriptesterin ózderiniń ozyq tájirıbelerimen almasýǵa shaqyrdy.

Qazaqstan men AQSh-tyń aımaqtyq qaýipsizdikti qamtamasyz etý sala­syndaǵy yntymaqtastyǵy týraly aıta kelip, taraptar Aýǵanstandaǵy qaq­tyǵysty retteýdegi ózara is-qımyl­dyń mańyzdy máselelerin atap ót­ti. D.Nazarbaeva Qazaqstanda ótken «Aýǵanstandaǵy áıelderdiń quqyqtary men múmkindikterin keńeıtý» konferensııasy týraly, aýǵan qyzdaryn dári­gerlik mamandyqtarǵa oqytý jónin­degi Qazaqstan, О́zbekstan jáne EO-men úshjaqty baǵdarlamanyń iske qo­syl­ǵany týraly habardar etti.

Osyǵan baılanysty áıelderdiń jahandyq damýy men órkendeýi jónin­degi Ivanka Tramp bas­tama­sy­nyń mańyzy atap ótildi. Joba damý­shy elderdegi 50 mln áıelge ózi­niń ekonomıkalyq áleýetin júzege asy­rýǵa kómektesýge arnalǵan. «Biz óńir áıel­derine ózderiniń ekonomıkalyq áleýe­tin júzege asyrýǵa múmkindik berý úshin osy bastamany Ortalyq Azııa men Aýǵanstanda júzege asyrý maqsatynda yntymaqtasýǵa daıynbyz», dep atap ótti D.Nazarbaeva.