Búgin aımaqtaǵy 19 aýdan men 3 qaladan jıylǵan belsendi úsh júzge tarta stýdent B.Rımova atyndaǵy drama teatrda festıvaldiń ashylý saltanatyna qatysty. Festıvaldi I.Jansúgirov atyndaǵy Jetisý memlekettik ýnıversıtetiniń rektory Qýat Baımyrzaev ashyp, sharanyń mańyzdylyǵy men mánine toqtaldy. Belsendi jastarǵa sáttilik tilep, festıval barysyndaǵy baıqaýlarda oza shabýǵa tilek bildirdi.
- Jetisý jerinde alǵash uıymdastyrylyp otyrǵan sharanyń maqsaty - jastardyń qoǵamdaǵy belsendiligin jáne mádenı áleýetin arttyrý, ultjandy tulǵa bolyp qalyptasýyna yqpal etý, kóshbasshylyq qabiletterin damytý, shyǵarmashylyq sheberligin shyńdaý, daryndy stýdentterge qoldaý kórsetý, - dedi ýnıversıtet rektory óz sózinde.
Festıval 4 baǵyttaǵy baıqaýmen jalǵaspaq. Baıqaýda barysynda stýdentter «Otanym - Atamekenim!» patrıottyq ánder baıqaýyna qatysyp, «Ushqyr oıly Jetisýlyq jastar» atty pikir-saıys týrnırinde biliktilik jarystyrady. Munan keıingi shara «Jaıdarly jastar» kóńildi tapqyrlar klýbynyń oıyndaryna jalǵasyp, «Sport – ómir kórki» uranymen ótetin shaǵyn fýtbol jarysyna ulasady..
Al «Meniń Qazaqstanym: stýdent kóktem-2019» atty oblystyq stýdent-jastar festıvali 30 mamyr kúni qortyndylanyp, jeńimpazdardy marapattaý Taldyqorǵandaǵy «Jastar» mádenı-demalys saıabaǵynda ótetin estrada juldyzdarynyń gala konsertine jalǵaspaq.
Almaty oblysy