Úmitkerler arasynda órbıtin bul pikirsaıys – elimizdegi saıası mádenıetti arttyrýǵa, keńeıtýge, sondaı-aq osy partııalar nemese úmitkerlerdiń tek qana saılaýaldy baǵdarlamasyn emes, jalpy syrtqy jáne ishki saıasatqa qatysty túrli aspektilerdi túsindirýge utymdy alań. Sondyqtan atalǵan debatty Qazaqstandaǵy saıası úderisterdi zańdastyrýdaǵy úlken qadam dep qarastyrýǵa ábden bolady. Al aýdıtorııanyń, tutastaı elektorattyń senimine ıe bolýy kandıdattardyń sóıleý mánerine, ıaǵnı sheshendik ónerine, usynyp otyrǵan baǵdarlamasyn tıimdi usyna bilýine baılanysty dep oılaımyn. Endi 80 mınýt qatysýshylarǵa berilgen az ýaqyt emes. Osy lımıt jetkilikti bolýy tıis. Bul naýqan eldegi saıası júıeniń jetilýine jol ashýy yqtımal. Saıası arenadaǵy jańa esimder tanylyp, basqarý úlgisiniń jańǵyrýyna alyp kelýi ǵajap emes.
Árbir saılaýdy qoǵamnyń saıası damýynyń belgili bir mektebi dep qarastyrǵan abzal. Osy turǵydan saralasaq, árıne, bul saılaýdyń máni men mazmuny óte joǵary. Táýelsizdik alǵan jyldardyń ishinde qoǵam men memlekettiń arasynda jaqsy baılanystar paıda boldy. Mine, osy baılanysty ári qaraı damytyp, azamattar men bıliktiń arasyndaǵy yntymaqtastyq jasampazdyq jasaýdyń taǵy bir sara joly dep aıtýǵa barlyq negiz bar. Qazir geosaıası ahýaldy eskersek, myqty bılik kerek ekeni sózsiz. Ol bıliktiń syrtqy saıasatta, sol sekildi qoǵam aldyndaǵy abyroıy joǵary bolǵany lázim.
Erlan SAIROV,
saıasattanýshy