Sharanyń maqsaty – Azattyq jolynda jáne asharshylyq qasiretinen, qurban bolǵan babalarymyzdy eske alý, rýhyna taǵzym etý. О́negeli is arqyly óskeleń urpaqtyń sanasyna, boıyna otansúıgishtik, eljandylyq hám ultjandylyq qasıetterdi sińirý. «Rýhanı jańǵyrý» arqyly el muraty haqynda, tutastyq pen birlik arqyly ulttyq rýhty jańǵyrtýǵa úles qosý.
Is-shara «ALJIR» memorıaldy-murajaı kesheninde eske alý qabyrǵasyna gúl qoıý rásiminen bastalyp, 12:00-de «Jastar» shaǵyn aýdanynda ornalasqan «Qaraótkel» musylman zıratyndaǵy Kenesary han sarbazdary jáne Alash qaıratkeri Smaǵul Sádýaqasulynyń rýhyna quran baǵyshtap, zııarat etýmen jalǵasady. Babalar rýhyna taǵzym etý sharasyna ult zııalylary men qoǵam belsendileri qatysady. Sonymen qatar, aza tutý kúnine oraı belgili sýretshi Almas Syrǵabaıdyń «Joq, umytýǵa bolmaıdy» atty jeke kórmesiniń tusaý keseri uıymdastyrylady.
Keshendi is-shara aıasynda 13:00-de № 76 mektep-lıseıde (Túrkistan k-si., 5) «Alash alqasy» ǵylymı-tanymdyq ıntellektýaldy jastar klýbynyń alǵashqy otyrysy ótedi. Sharaǵa belgili alashtanýshy-ǵalymdar men jas zertteýshiler, ult tarıhy men rýhanııatyna qyzyǵýshylyq tanytqan jalpy kópshilik qatysady. Bul jańa joba aldaǵy ýaqytta Alashtyń ár qaıratkerine baǵyttalyp, ár aıda turaqty túrde ótedi.
Atalǵan keshendi is-sharalar qorytyndysy Oqýshylar saraıynyń teatr zalynda ótedi. Saǵat 17:00-ge josparlanǵan «Qasiret pen taǵzym» rýhanı-tanymdyq keshinde teatrlandyrylǵan qoıylym jáne monolog usynylady. Sonymen qatar, zulmat jyldar jaıynda beınesjetter kórsetiledi, sol zamannyń kúıi shertilip, muńdy ánder oryndalady. Sondaı-aq, saıası qýǵyn-súrgin qurbandarynyń, Alash qaıratkerleriniń urpaqtary, ǵalymdar óz pikirlerin ortaǵa salady
Osyǵan oraı, barlyq BAQ ókilderin qoǵamdyq mańyzy zor is-sharamyzǵa qatysyp, aqparattyq qoldaý kórsetýge shaqyramyz.