Arýjan Hasetova qazaq mektep-gımnazııasynda oqıdy. Muǵalimderdiń aıtýynsha, úlgerimi jaqsy, tapsyrylǵan iske jaýapty. Kúndeliginde tek tórt pen bes qana. Oblys ákimi bilimge umtylǵan Arýjanǵa maqtaý aıtyp, syılyq usyndy.
«Arýjan, seni halyqaralyq balalardy qorǵaý kúnimen quttyqtaýǵa ádeıi keldim. Seniń jaqsy oqıtynyńdy bilemin. О́z aldyńa úlken maqsattar qoıyp otyrsyń. Úlken nátıjelerge qol jetkizesiń degen senimdemin», dedi Qumar Irgebaıuly.
О́ńir basshysy Sofıa Lýkıanchenkony da meırammen quttyqtady. Sofıa oblys ákimine óziniń sýretteri men týyndylaryn kórsetti. Bolashaqta ol dızaıner bolǵysy keledi.
«Sofıa, sen ózińe naqty maqsat qoıyp otyrsyń. Umtylyp jatsyń, jaraısyń. Erekshe balalardyń mádenıet jáne sport salalarynda bıik belesterdi baǵyndyrǵan mysaldary kóp. Tipti AQSh prezıdenti Franklın Rýzvelt el basqarǵan. Seniń maqsatyń aıqyn – dızaıner bolý. Armanyńa jet», - degen ákim oǵan da tartý-taralǵy jasady.
Oblys ákimi Arýjan men Sofıany zamanaýı oqýshylar saraıyn aralaýǵa shaqyrdy. Budan bylaı múmkindigi shekteýli balalarmen jıi júzdesip turýǵa sóz berdi.